ମୁମ୍ବାଇ,୧୭/୦୪: ବିବାଦରେ ଗୌରୀ ଖାନଙ୍କ ରେଷ୍ଟୁରାଣ୍ଟ। ପରଷା ଯାଉଛି ନକଲି ପନିର। ଏଭଳି ଅଭିଯୋଗ କରିଛନ୍ତି ଜଣେ ଫୁଡ ବ୍ଲଗର୍ ତଥା ୟୁଟ୍ୟୁବର୍। ଯାହାର ଏକ ଭିଡ଼ିଓ ସୋସିଆଲ ମିଡ଼ିଆରେ ବେଶ୍ ଭାଇରାଲ ହେଉଛି ।
ତେବେ ବଲିଉଡ ସୁପରଷ୍ଟାର ଶାହାରୁଖ ଖାନଙ୍କ ପତ୍ନୀ ଗୌରୀଙ୍କର ରହିଛି ଏକ ଆଲିସାନ୍ ରେଷ୍ଟୁରାଣ୍ଟ । ମୁମ୍ବାଇରେ ଥିବା ଏହି ରେଷ୍ଟୁରାଣ୍ଟର ନାମ ହେଉଛି ତୋରି । ୟୁଟ୍ୟୁବର୍ ଜଣଙ୍କ ତୋରିକୁ ଯାଇ ପନିର ଚାଖିଥିଲେ । ଏହା ପରେ ସେଠାରେ ନକଲି ପନିର ପରଷା ଯାଉଥିବା ଅଭିଯୋଗ ଆଣିଛନ୍ତି । ସେ କହିଛନ୍ତି ଯେ, ତୋରିରେ ଗ୍ରାହକମାନଙ୍କୁ ନକଲି ପନିର ସର୍ଭ କରାଯାଉଛି । ଯେଉଁଥିରେ ଷ୍ଟାର୍ଚର ପରିମାଣ ଅଧିକ ରହିଛି । ଯାହା ସାଧାରଣ ଲୋକ ଦେହ ପକ୍ଷେ କ୍ଷତିକାରକ ।ଏହି ଭିଡିଓ ତୋରିର ପରିଚାଳନା ପାଖରେ ପହଞ୍ଚିଥିଲା ।
ଯାହାକୁ ନେଇ ସେ କହିଛନ୍ତି, ପନିରରେ ଆୟୋଡିନର ପରିମାଣ ରହିଛି ଏବଂ ଏହା ସୋୟା ଆଧାରିତ ତେଣୁ ପନିର ଏପରି ଲାଗୁଛି । ଆମେ ସବୁବେଳେ ଖାଦ୍ୟରେ ଶୁଦ୍ଧତା ବଜାୟ ରଖୁ । ଏ ସମ୍ପର୍କରେ ଗୌରୀ ଖାନ କିଛି ପ୍ରତିକ୍ରିୟା ଦେଇ ନାହାନ୍ତି । ତେବେ ଭିଡିଓଟି ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଥିବା ବେଳେ ଏହା ୟୁଜର୍ସଙ୍କ ଦୃଷ୍ଟି ମଧ୍ୟ ଆକର୍ଷଣ କରିଛି ।
