ଭୁବନେଶ୍ୱର,୧୪/୦୪: ଯାତ୍ରା ଅଭିନେତା ପିୟୁଷ ଏବେ ଚଳଚ୍ଚିତ୍ରରେ ନଜର ଆସିବେ । ଏହି ଘୋଷଣା କରିଛନ୍ତି ବରିଷ୍ଠ ପ୍ରଯୋଜକ ଶ୍ରୀଧର ମାର୍ଥା ।
ସେ କହିଛନ୍ତି, ପିୟୁଷ ଜଣେ ଭଲ କଳାକାର । ଯଦି ସେ ଚାହିଁବେ ତେବେ ତାଙ୍କୁ ଫିଲ୍ମରେ ଅଭିନୟ କରିବାକୁ ସୁଯୋଗ ମିଳିବ । ତେବେ ଯାତ୍ରା ଜଗତ ଓ ଚଳଚ୍ଚିତ୍ର ଜଗତ ସମ୍ପୂର୍ଣ୍ଣ ଭିନ୍ନ । ତେଣୁ କୌଣସି ଯାତ୍ରା ମାଲିକ ତାଙ୍କ ସହ ଏ ବିଷୟରେ ଆଲୋଚନା କରିବେ ନାହିଁ ବୋଲି ସେ ସଫାସଫା କହିଛନ୍ତି ।
ପ୍ରକାଶ ଥାଉକି, ଯାତ୍ରା ଅଭିନେତା ପିୟୁଷ ବର୍ତ୍ତମାନ ଚର୍ଚ୍ଚାରେ । ଅପେରା ସୂର୍ଯ୍ୟମନ୍ଦିରରେ ଥାଇ ସେ ଯାତ୍ରା ସିଂହବାହିନୀକୁ ଯିବେ ବୋଲି ମାଲିକଙ୍କ ଠାରୁ ଅଗ୍ରୀମ ଟଙ୍କା ଆଣିଥିଲେ । ଯାହାକୁ ନେଇ ବିବାଦ ଦେଖାଦେଇଥିଲା । ବର୍ତ୍ତମାନ ପିୟୁଷ ମାଲିକଙ୍କୁ ଟଙ୍କା ଫେରାଇ ବର୍ଷେ ପର୍ଯ୍ୟନ୍ତ ଯାତ୍ରାରୁ ବିରତି ନେଇଛନ୍ତି ।
