ନୂଆଦିଲ୍ଲୀ: ଦିଲ୍ଲୀ ସରକାର ଆଜି (ମଙ୍ଗଳବାର) ସ୍ପଷ୍ଟ କରିଛନ୍ତି ଯେ, ରାଜଧାନୀରେ ବର୍ତ୍ତମାନ ପାଇଁ କୌଣସି ଅଟୋ କିମ୍ବା ସ୍କୁଟରକୁ ବନ୍ଦ କରାଯିବ ନାହିଁ। ଏନେଇ ଦିଲ୍ଲୀ ମନ୍ତ୍ରୀ ପଙ୍କଜ ସିଂହ କହିଛନ୍ତି ଯେ, ଆମେ ଦିଲ୍ଲୀ ପାଇଁ EV ପଲିସି ଉପରେ ମନ୍ଥନ କରୁଛୁ। ବର୍ତ୍ତମାନ କୌଣସି ଅଟୋ ବନ୍ଦ ହେବ ନାହିଁ, ସବୁକିଛି ଚାଲୁ ରହିବ।

କ୍ୟାବିନେଟ ବୈଠକ ପରେ ମନ୍ତ୍ରୀ ପଙ୍କଜ ସିଂହ କହିଛନ୍ତି, "ଆମର ଏକ କ୍ୟାବିନେଟ ବୈଠକ ହୋଇଥିଲା। ଆମେ ଏହା ଉପରେ ଆଲୋଚନା କରୁଛୁ। ବର୍ତ୍ତମାନ ଅଟୋ ବନ୍ଦ କରିବା ବିଷୟରେ ପ୍ରଚାର କରାଯାଉଛି। ଏବେ ସେପରି କିଛି ନାହିଁ । ସମସ୍ତ ଯାନବାହାନ ଚାଲିବ। ଦିଲ୍ଲୀବାସୀଙ୍କ ପାଇଁ ଯାହା ଭଲ ସୁବିଧା ଉପଲବ୍ଧ ତାହା ଯୋଗାଇ ଦିଆଯିବ।"

କ୍ୟାବିନେଟ ବୈଠକ ପରେ ମନ୍ତ୍ରୀ ଆଶିଷ ସୁଦ କହିଛନ୍ତି ଯେ ଦିଲ୍ଲୀ ସରକାର ସବସିଡି ବନ୍ଦ କରିବେ ବୋଲି ନିରନ୍ତର ପ୍ରଚାର କରାଯାଉଛି, କିନ୍ତୁ ଦିଲ୍ଲୀ ସରକାର କୌଣସି ସବସିଡି ବନ୍ଦ କରିବେ ନାହିଁ। ବିଦ୍ୟୁତ ସବସିଡି ଉପରେ ନିଷ୍ପତ୍ତି ନିଆଯାଇଛି। ଚାଷୀ ଭାଇ ମାନଙ୍କ ପାଇଁ ସବସିଡି, ୧୯୮୪ ଦଙ୍ଗାର ପୀଡିତଙ୍କ ପାଇଁ ସବସିଡି, ଓକିଲଙ୍କ ଚାମ୍ବର ପାଇଁ ସବସିଡି ଏବଂ ଘରୋଇ ଉପଭୋକ୍ତାଙ୍କ ପାଇଁ ବିଦ୍ୟୁତ ସବସିଡି ଜାରି ରହିବ।