ନୂଆଦିଲ୍ଲୀ,୧୫/୦୪: ବମ୍ବେ ସେଭିଂ କମ୍ପାନୀର ସିଇଓ ଶାନ୍ତନୁ ଦେଶପାଣ୍ଡେ ବର୍ତ୍ତମାନର ଏକ ଗମ୍ଭୀର ସମସ୍ୟା ପ୍ରତି ଦୃଷ୍ଟି ଆକର୍ଷଣ କରିଛନ୍ତି, ଯାହାକି ଆଜିର ସମୟରେ ଏକ ବିଶ୍ୱ ଧାରା ବା ଗ୍ଳୋବାଲ ଟ୍ରେଡ୍ ପାଲଟିଛି। ଆମେ ୪୦ ବର୍ଷରୁ ଅଧିକ ବୟସର କାର୍ଯ୍ୟରତ କର୍ମଚାରୀମାନଙ୍କୁ କରାଯାଉଥିବା ବଡ଼ ଧରଣର ଛଟେଇ ବିଷୟରେ କହୁଛୁ। 

ସେ କହିଛନ୍ତି ଯେ ଏହି ବୟସ ଗୋଷ୍ଠୀର ଲୋକମାନେ ସେମାନଙ୍କର ବରିଷ୍ଠତା ଏବଂ ଉଚ୍ଚ ଦରମା ଯୋଗୁଁ କମ୍ପାନୀଗୁଡ଼ିକର ଖର୍ଚ୍ଚ କାଟ ଲକ୍ଷ୍ୟରେ ପ୍ରଥମ ସ୍ଥାନରେ ଅଛନ୍ତି। ଏମାନେ ସେହି ଲୋକ, ଯେଉଁମାନେ ସେମାନଙ୍କ କ୍ୟାରିଅରର "ଗୋଲ୍ଡେନ୍‌ ଫେଜ୍" ପାଇଁ ପ୍ରସ୍ତୁତ ହେଉଛନ୍ତି, କିନ୍ତୁ ହଠାତ୍ ଚାକିରି ହରାଇବା ସେମାନଙ୍କ ପାଇଁ କେବଳ ଏକ ବୃତ୍ତିଗତ ବିପର୍ଯ୍ୟୟ ନୁହେଁ, ବରଂ ଏକ ବିରାଟ ଆର୍ଥିକ ଏବଂ ମାନସିକ ସଙ୍କଟ ମଧ୍ୟ ହୋଇଯାଏ।

୧୦୦ ଦାୟିତ୍ବ ସଂଞ୍ଚୟ ଶୂନ :

ଦେଶପାଣ୍ଡେ କହିଛନ୍ତି ଯେ, ୪୦ ବର୍ଷ ବୟସରେ ଜଣେ କର୍ମଚାରୀଙ୍କ ଉପରେ ବହୁତ ଦାୟିତ୍ୱ ଥାଏ। ଯେପରିକି ପିଲାମାନଙ୍କର କଲେଜ ଫି, ପିତାମାତାଙ୍କ ଯତ୍ନ, ଗୃହ ଋଣ ମାସିକ କିସ୍ତି ଇତ୍ୟାଦି। କିନ୍ତୁ ଯେତେବେଳେ ସେମାନଙ୍କର ବ୍ୟାଙ୍କ ଆକାଉଣ୍ଟ ଯାଞ୍ଚ କରାଯାଏ, ପ୍ରାୟତଃ ସଞ୍ଚୟ ମଧ୍ୟ ବହୁତ ସୀମିତ ରହିଥାଏ। ଏପରି ପରିସ୍ଥିତିରେ, ଚାକିରି ହରାଇବା ଏକ ବିପର୍ଯ୍ୟୟଠାରୁ କମ୍ ନୁହେଁ। ସେ ଏହାକୁ ଏକ "ବଡ଼ ଅଶାନ୍ତି" ବୋଲି କହିଥିଲେ ଯାହା କେବଳ କ୍ୟାରିଅର ଯୋଜନାକୁ ବାଧା ଦେଉଛି ତାହା ନୁହେଁ ବରଂ ଜଣଙ୍କ ଆତ୍ମବିଶ୍ୱାସକୁ ମଧ୍ୟ ଦୋହଲାଇ ଦେଉଛି। ବିଶ୍ବ ସ୍ବାସ୍ଥ୍ୟ ସଂଗଠନର ରିପୋର୍ଟ ଅନୁଯାୟୀ, ଏପରି ଛଟେଇ ୪୦ ପ୍ରତିଶତ କର୍ମଚାରୀଙ୍କ ମଧ୍ୟରେ ଗମ୍ଭୀର ଚାପ ସୃଷ୍ଟି କରିଛି, ବିଶେଷକରି ଭାରତ ଭଳି ଦେଶରେ ଯେଉଁଠାରେ ମଧ୍ୟବୟସ୍କ ପୁରୁଷମାନେ ପରିବାରର ମୁଖ୍ୟ ଦାୟିତ୍ୱ ବହନ କରନ୍ତି।

ଆମେ ଏହାକୁ କିପରି ଏଡ଼ାଇବା: 

ଲିଙ୍କଡିନ୍‌ରେ ପଚରାଯାଇଥିବା ଏକ ପ୍ରଶ୍ନର ଉତ୍ତରରେ, ଦେଶପାଣ୍ଡେ ଏହି ଚ୍ୟାଲେଞ୍ଜର ମୁକାବିଲା କରିବା ପାଇଁ ତିନୋଟି ପରାମର୍ଶ ଦେଇଥିଲେ। ଏହି ତିନୋଟି ପରାମର୍ଶ - AI ଭଳି ନୂତନ ପ୍ରଯୁକ୍ତିବିଦ୍ୟାରେ ନିଜକୁ ଉନ୍ନତ କରନ୍ତୁ। ଆର୍ଥିକ ଯୋଜନା ଏବଂ ସଞ୍ଚୟ ବୃଦ୍ଧି ଏବଂ ଉଦ୍ୟୋଗୀ ମନୋଭାବ ଗ୍ରହଣ କରିବା ଉପରେ ଗୁରୁତ୍ୱ। ଏହାର ଅର୍ଥ ହେଉଛି ନିଜ ଉପରେ ଏବଂ ନିଜ କ୍ଷମତା ଉପରେ ବିଶ୍ୱାସ ରଖିବା। ସୋସିଆଲ ମିଡିଆରେ ଅନେକ ୟୁଜର୍ସ ଏହା ମଧ୍ୟ ସ୍ପଷ୍ଟ କରିଛନ୍ତି ଯେ ୪୦ ବର୍ଷ ବୟସରେ ନୂଆ ଚାକିରି ଖୋଜିବା କିମ୍ବା ଦକ୍ଷତା ପରିବର୍ତ୍ତନ କରିବା ସହଜ ନୁହେଁ, କାରଣ ଏହି ବୟସ ସୁଦ୍ଧା ଲୋକମାନେ ସମାନ କ୍ଷେତ୍ରରେ କିମ୍ବା ଦକ୍ଷତା କ୍ଷେତ୍ରରେ ୧୫ ରୁ ୨୦ ବର୍ଷ ବିତାଇ ସାରିଛନ୍ତି। ତେଣୁ ସେତେବେଳେ ସମସ୍ତଙ୍କ ପାଖରେ ନୂଆ କୌଶଳ ଶିଖିବା ପାଇଁ ଆବଶ୍ୟକ ସମୟ ଏବଂ ଟଙ୍କା ନାହିଁ।

ଏକ ଗୁରୁତ୍ୱପୂର୍ଣ୍ଣ ଚେତାବନୀ: 

ସାମଗ୍ରିକ ଭାବରେ, ଶାନ୍ତନୁ ଦେଶପାଣ୍ଡେ ଯାହା କହିଥିଲେ ତାହା ଆଜିର ସମୟରେ ଏକ ଗୁରୁତ୍ୱପୂର୍ଣ୍ଣ ଚେତାବନୀ। ଅର୍ଥାତ୍, ଯଦି ଆପଣଙ୍କର ବୟସ ୩୫ ବର୍ଷ କିମ୍ବା ତା’ଠାରୁ ଅଧିକ, ତେବେ ସମୟ ସହିତ ନିଜକୁ ଖାପ ଖୁଆଇବା, ଦକ୍ଷତା ବୃଦ୍ଧିରେ ବିନିଯୋଗ କରିବା ଏବଂ ଆର୍ଥିକ ବ୍ୟାକଅପ୍ ପ୍ରସ୍ତୁତ ରଖିବା ଗୁରୁତ୍ୱପୂର୍ଣ୍ଣ। କାରଣ କ୍ୟାରିୟର ସୁରକ୍ଷା ଆଉ କେବଳ ଚାକିରି ଉପରେ ନିର୍ଭର କରେ ନାହିଁ, ବରଂ ଆପଣ ପୂର୍ବରୁ କରୁଥିବା ନମନିୟତା ଏବଂ ପ୍ରସ୍ତୁତି ଉପରେ ନିର୍ଭର କରେ।