ନୂଆଦିଲ୍ଲୀ,୧୫।୪: ଭାରତର ପୂର୍ବତନ କ୍ରିକେଟର ବିନୋଦ କାମ୍ବଲିଙ୍କ ପାଇଁ ଆଶ୍ବସ୍ତିଜନକ ଖବର। ସେ ଗତ କିଛି ବର୍ଷ ହେବ ଲଗାତାର ସ୍ବାସ୍ଥ୍ୟଗତ ସମସ୍ୟା ଦେଇ ଗତି କରୁଛନ୍ତି। ଏବେ ତାଙ୍କୁ ସାହାଯ୍ୟର ହାତ ବଢାଇଛନ୍ତି ପ୍ରସିଦ୍ଧ କ୍ରିକେଟର ସୁନୀଲ ଗାଭାସ୍କର। କାମ୍ବଲିଙ୍କୁ ସାହାଯ୍ୟ କରିବା ନେଇ ଗାଭାସ୍କର ନିକଟରେ ପ୍ରତିଶୃତି ଦେଇଥିଲେ। ଏବେ ତାକୁ ପୂରଣ କରିବାକୁ ଯାଉଛନ୍ତି। ରିପୋର୍ଟ ଅନୁସାରେ, ଗାଭାସ୍କରଙ୍କ ସଂସ୍ଥା 'CHAMPS ଫାଉଣ୍ଡେସନ୍’ ବିନୋଦ କାମ୍ବଲିଙ୍କୁ ଆଜୀବନ ୩୦ ହଜାର ଟଙ୍କାର ସହାୟତା ରାଶି ପ୍ରଦାନ କରିବ। ଯାହାଫଳରେ ସେ ନିଜର ସ୍ବାସ୍ଥ୍ୟର ଯତ୍ନ ନେଇପାରିବେ।

ଗାଭାସ୍କରଙ୍କ 'CHAMPS ଫାଉଣ୍ଡେସନ୍’ର ସ୍ଥାପନା ୧୯୯୯ ରେ ହୋଇଥିଲା। ଏହି ସଂସ୍ଥା ଖରାପ ଆର୍ଥିକ ସ୍ଥିତିରେ ଥିବା ଆଥଲେଟ୍‌ଙ୍କୁ ସାହାଯ୍ୟ କରିଥାଏ। ଟାଇମ୍ସ ଅଫ୍ ଇଣ୍ଡିଆରେ ପ୍ରକାଶିତ ଏକ ରିପୋର୍ଟ ଅନୁସାରେ, ଗାଭାସ୍କରଙ୍କ ଏହି ସଂସ୍ଥା ବିନୋଦ କାମ୍ବଲିଙ୍କୁ ପୁରା ଜୀବନ ପ୍ରତି ମାସ ୩୦ ହଜାର ଟଙ୍କା ସହାୟତା ରାଶି ଦେବ। କାମ୍ବଲିଙ୍କୁ ଅପ୍ରେଲ ମାସରୁ ଟଙ୍କା ମିଳିବା ଆରମ୍ଭ ହୋଇଯାଇଛି। ଏହା ସହ ତାଙ୍କୁ ସ୍ବାସ୍ଥ୍ୟ ସମ୍ପର୍କି ଖର୍ଚ୍ଚ ପାଇଁ ଅଲଗା ଭାବରେ ୩୦ ହଜାର ମିଳିବ। ଗାଭାସ୍କରଙ୍କୁ ନିକଟରେ କାମ୍ବଲି ଓ୍ବାଙ୍ଖଡେ ଷ୍ଟାଡିୟମର ୫୦ ତମ ବାର୍ଷିକୀରେ  ଭେଟିଥିଲେ। ଗାଭାସ୍କରଙ୍କ ପାଦ ଛୁଇଁ ଆର୍ଶିବାଦ ନେଇଥିଲେ କାମ୍ବଲି। ଏହି ସମୟର ଫଟୋ ସୋସିଆଲ ମିଡିଆରେ ଭାଇରାଲ ହୋଇଥିଲା।

ଉଲ୍ଲେଖନୀୟ ଯେ , ଗତ ବର୍ଷ କାମ୍ବଲିଙ୍କୁ ୟୁରିନ୍ ଇନଫେକସ୍ କାରଣରୁ ୨ ମାସ ପର୍ଯ୍ୟନ୍ତ ହସ୍ପିଟାଲରେ ଆଡମିଟ୍ ହେବାକୁ ପଡିଥିଲା। ଥାନେ ସ୍ଥିତ ଆକୃତି ହସ୍ପିଟାଲ କାମ୍ବଲିଙ୍କ ଚିକିତ୍ସା ହୋଇଥିଲା। ହସ୍ପିଟାଲର ଡାଇରେକ୍ଟର ତଥା ଡାକ୍ତର ଶୈଳଶ ଠାକୁର  ଖୁଲାସା କରିଥିଲେ ଯେ, କାମ୍ବଲିଙ୍କ ଖରାପ ସ୍ବାସ୍ଥ୍ୟବସ୍ଥା ସମ୍ପର୍କରେ ଜାଣିବା ପରେ ଗାଭାସ୍କର ତାଙ୍କୁ ସେବେଠାରୁ ସାହାଯ୍ୟ କରିବାକୁ ଚାହୁଁଥିଲେ।