କୋଲକାତା: ଦେଶର ଅନେକ ରାଜ୍ୟରେ ୱାକଫ ସଂଶୋଧନ ଆଇନ ବିରୋଧରେ ବିକ୍ଷୋଭ ପ୍ରଦର୍ଶନ ଜାରି ରହିଛି । ପଶ୍ଚିମବଙ୍ଗର ମୁର୍ଶିଦାବାଦ ଏବଂ ଦକ୍ଷିଣ ୨୪ ପ୍ରଗଣାରେ ଏହି ବିରୋଧ ହିଂସାତ୍ମକ ରୂପ ନେଇଥିଲା। ସୀମା ସୁରକ୍ଷା ବଳ (ବିଏସଏଫ), ସେଣ୍ଟ୍ରାଲ ରିଜର୍ଭ ପୋଲିସ ଫୋର୍ସ (ସିଆରପିଏଫ), ରାଜ୍ୟ ସଶସ୍ତ୍ର ପୋଲିସ ଏବଂ ରାପିଡ ଆକ୍ସନ ଫୋର୍ସ (ଆରଏଫ) କର୍ମଚାରୀଙ୍କୁ ଜାଙ୍ଗିପୁର, ଧୂଲିଆନ, ସୁଟି ଏବଂ ଶାମଶେରଗଞ୍ଜରେ ବହୁ ସଂଖ୍ୟାରେ ନିୟୋଜିତ କରାଯାଇଛି। ଏହି ହିଂସା ସଂପର୍କରେ ଶଙ୍କରାଚାର୍ଯ୍ୟ ସ୍ବାମୀ ଅଭିମୁକ୍ତେଶ୍ବରାନନ୍ଦ ସିଏମ ମମତା ବାନାର୍ଜୀଙ୍କୁ ଟାର୍ଗେଟ କରିଛନ୍ତି।
ପଶ୍ଚିମବଙ୍ଗରେ ରାଷ୍ଟ୍ରପତିଙ୍କ ଶାସନ ଲାଗୁ କରିବାକୁ ସ୍ବାମୀ ଅଭିମୁକ୍ତେଶ୍ବରାନନ୍ଦ ଦାବି କରିଛନ୍ତି । ସେ କହିଛନ୍ତି, ‘ବେଙ୍ଗଲରେ ପରିସ୍ଥିତିକୁ ନିୟନ୍ତ୍ରଣ କରିବା ପାଇଁ ରାଷ୍ଟ୍ରପତିଙ୍କ ନିୟମ ଲାଗୁ କରାଯିବା ଉଚିତ୍ । କେନ୍ଦ୍ର ସରକାର ସେଠାରେ ପରିସ୍ଥିତିକୁ ନେଇ ରାଜନୀତି କରିବାକୁ ଚାହୁଁଛନ୍ତି ଏବଂ ଫଟୋ ଉଠାଇବାକୁ ଚାହୁଁଛନ୍ତି।’ ସେ କହିଛନ୍ତି, ‘ବେଙ୍ଗଲ ହିନ୍ଦୁମାନଙ୍କ ପାଇଁ ଏବେ ବି ସମୟ ଆଛି ଗୋ ମାତାଙ୍କ ସୁରକ୍ଷା ପାଇଁ ଛିଡ଼ା ହେବାକୁ । ଗୋ ମାତାଙ୍କୁ ହତ୍ୟା କରିବାକୁ ଆସୁଥିବା ଲୋକଙ୍କୁ ହତ୍ୟା କରିବାକୁ ସମୟ ଆସିଛି ।’
ରାଜ୍ୟ ପୋଲିସ କହିଛି ଯେ, ମୁର୍ଶିଦାବାଦର ଦଙ୍ଗା ସଂଗଠିତ ହୋଇଥିବା ଅଞ୍ଚଳରେ ପରିସ୍ଥିତି ଧୀରେ ଧୀରେ ସ୍ବାଭାବିକ ଅବସ୍ଥାକୁ ଆସୁଛି । ଦୋକାନ ଖୋଲିବା ସହ ବିସ୍ଥାପିତ ପରିବାର ଫେରି ଆସିଛନ୍ତି । ୱାକଫ ସଂଶୋଧନ ଆଇନକୁ ନେଇ ଶୁକ୍ରବାର ଏବଂ ଶନିବାର ଦିନ ସୁଟି, ଧୂଲିଆନ ଏବଂ ଜାଙ୍ଗିପୁର ସମେତ ଜିଲ୍ଲାର ବିଭିନ୍ନ ଅଞ୍ଚଳରେ ହିଂସାତ୍ମକ ବିରୋଧ ପ୍ରଦର୍ଶନ ହୋଇଥିଲା । ଏହି ବିକ୍ଷୋଭ ଖୁବଶୀଘ୍ର ସଂଘର୍ଷରେ ପରିଣତ ହୋଇ ଅତି କମରେ ତିନି ଜଣଙ୍କର ମୃତ୍ୟୁ ଘଟିଥିବା ବେଳେ ଅନେକ ଆହତ ହୋଇଥିଲେ ।
ସୋମବାର (ଏପ୍ରିଲ୍୧୪,୨୦୨୫) ଅତିରିକ୍ତ ମହାନିର୍ଦ୍ଦେଶକ (ପୂର୍ବ) ରବି ଗାନ୍ଧୀଙ୍କ ନେତୃତ୍ବରେ ଏକ ବିଏସ୍ଏଫ୍ ପ୍ରତିନିଧୀ ଦଳ ସୁଟି ଏବଂ ଶ୍ୟାମଶେରଗଞ୍ଜ ପୋଲିସ୍ ଷ୍ଟେସନ୍ ଅଞ୍ଚଳ ସହିତ ଧୁଲିଆନର ଅନେକ ଅଞ୍ଚଳ ପରିଦର୍ଶନ କରିଥିଲେ । ଯେଉଁଠାରେ ବ୍ୟାପକ ହିଂସା ଘଟିଥିଲା । ଅଧିକାରୀ କହିଛନ୍ତି ଯେ, ହିଂସା ଘଟଣାରେ ଏପର୍ଯ୍ୟନ୍ତ ମୋଟ ୨୧୦ ଜଣଙ୍କୁ ଗିରଫ କରାଯାଇଛି।
