ମୁମ୍ୱାଇ,୧୪/୦୪: ବଲିଉଡ଼ ଅଭିନେତା ଭାଇଜାନ ସଲମାନ ଖାନଙ୍କୁ ପୁଣି ହତ୍ୟା ଧମକ ମିଳିଛି । କେହି ଜଣେ ଅଜଣା ବ୍ୟକ୍ତି ତାଙ୍କ କାର ଉଡ଼ାଇ ଦେବା ସହିତ ଘରେ ପଶି ହତ୍ୟା କରିବାକୁ ଧମକ ଦେଇଛି । ଧମକ ନେଇ ହ୍ୱାର୍ଟସପରେ ମେସେଜ ଆସିଛି । ଘଟଣାରେ ପୋଲିସ ମାମଲା ଦାୟର କରିଛି । ତେବେ କିଏ ଏହି ଧମକପୂର୍ଣ୍ଣ ମେସେଜ ପଠାଇଛି ତାହା ଜଣାପଡ଼ିନାହିଁ । ଗ୍ୟାଙ୍ଗଷ୍ଟାର ଲରେନ୍ସ ବିଷ୍ଣୋଇ ପକ୍ଷରୁ ପୂର୍ବରୁ ସଲମାନଙ୍କୁ ଏମିତି ଧମକ ଆସିଥିଲା ।
ମିଡ଼ିଆ ରିପୋର୍ଟ ଅନୁସାରେ, ମୁମ୍ବାଇ ପରିବହନ ବିଭାଗର ହ୍ୱାର୍ଟ୍ସଅପ ନମ୍ବରରେ ଏକ ମେସେଜ ଆସିଛି । ସଲମାନ ଖାନଙ୍କୁ ଘରେ ପଶି ହତ୍ୟା କରିବାକୁ ଧମକପୂର୍ଣ୍ଣ ମେସେଜ ଆସିଛି । ଏହା ସହିତ ତାଙ୍କ କାରକୁ ବୋମା ପକାଇ ଉଡାଇଦେବାକୁ ମଧ୍ୟ ଧମକ ମିଳିଛି । ବର୍ଲି ପୋଲିସ ଷ୍ଟେସନରେ ଅଜଣା ବ୍ୟକ୍ତିଙ୍କ ବିଷୟରେ ମାମଲା ଦାୟର ହୋଇଛି । ପୋଲିସ ତଦନ୍ତ ଆରମ୍ଭ କରିଛି । ଏହା ପୂର୍ବରୁ ଭାଇଜାନଙ୍କୁ ଅନେକ ଥର ହତ୍ୟା ଧମକ ମିଳିଛି । ୨୦୧୮ରୁ ୨୦୨୪ ମଧ୍ୟରେ ୯ ଥର ଧମକପୂର୍ଣ୍ଣ ମେସେଜ ଆସିଛି ।
ଅଧିକ ପଢନ୍ତୁ...‘ଜାଟ’ ତୃତୀୟ ଦିନରେ ଭାଙ୍ଗିଲା ୧୦ବର୍ଷର ରେକର୍ଡ଼
ହରିଣ ଶିକାର ମାମଲାରେ ଟାର୍ଗେଟରେ- ଲରେନ୍ସ ବିଷ୍ଣୋଇ ଗ୍ୟାଙ୍ଗ ପକ୍ଷରୁ କୃଷ୍ଣ ସାର ହରିଣ ମାରିବାକୁ ନେଇ ସଲମାନ ଖାନଙ୍କୁ ଅନେକ ଥର ହତ୍ୟା ଧମକ ଆସିଛି । ଏହି ମାମଲା ୧୯୯୮ର । ୨୦୨୪ରେ ସଲମାନଙ୍କୁ ଧମକ ମିଳିଥିଲା । ମନ୍ଦିର ଯାଇ ସାର୍ବଜନିକ ରୂପରେ କ୍ଷମା ମାରିବା ସହିତ ୫ କୋଟି ଦେବାକୁ ଦାବି କରିଥିଲେ । ବଲିଉଡ଼ ସିନେମା 'ହମ୍ ସାଥ ସାଥ ହୈଁ' ସୁଟିଂ ସମୟରେ ରାଜସ୍ଥାନରେ ୨ଟି କୃଷ୍ଣ ସାର ହରିଣ ଶିକାର ଘଟଣାରେ ଛନ୍ଦି ହୋଇଥିଲେ ସଲମାନ ଖାନ୍ ।
