ନୂଆଦିଲ୍ଲୀ,୧୮/୦୪: ଅଡୁଆରେ ବଲିଉଡ଼ ଫିଲ୍ମ 'ଜାଟ୍' । ଫିଲ୍ମରେ ଧାର୍ମିକ ଭାବନାକୁ କ୍ଷୁର୍ଣ୍ଣ କରାଯାଇଥିବା ନେଇ ଅଭିଯୋଗ ହୋଇଛି । ଖୀଷ୍ଟଧର୍ମୀ ସମ୍ପ୍ରଦାୟ ଫିଲ୍ମ ବିରୋଧରେ ବିରୋଧ ପ୍ରଦର୍ଶନ କରିଛନ୍ତି । ଫିଲ୍ମ ଅଭିନେତା ସନ୍ନି ଦେଓଲ, ରଣଦୀପ ହୁଡ୍ଡା ଓ ବିନୀତ କୁମାର ସିଂହଙ୍କ ନାମରେ ଏତଲା ହୋଇଛି । ବିଏନ୍ଏସ ଧାରା ୨୯୯ରେ ମାମଲା ରୁଜ୍ଜୁ ହୋଇଛି । ଗୁଡ୍ ଫ୍ରାଇଡ଼େ ଏବଂ ପବିତ୍ର ଇଷ୍ଟ ଭଳି ଦିନରେ ଫିଲ୍ମ ରିଲିଜକୁ ନେଇ କ୍ଷୁବ୍ଧ ହୋଇଥିଲେ ଖ୍ରୀଷ୍ଟଧର୍ମୀ ।
ସନ୍ନି ଦେଓଲ ଏବଂ ରଣଦୀପ ହୁଡ୍ଡାଙ୍କ ଅଭିନୀତ ବଲିଉଡ଼ ଫିଲ୍ମ 'ଜାଟ୍' ବିବାଦରେ ଫସିଛି । ଫିଲ୍ମରେ ଦେଖାଯାଇଥିବା ଏକ ଦୃଶ୍ୟକୁ ନେଇ ଖ୍ରୀଷ୍ଟଧର୍ମୀ ସମ୍ପ୍ରଦାୟ କ୍ଷୋଭ ପ୍ରକାଶ କରିଥିଲେ । ଫିଲ୍ମରେ ପ୍ରତିବନ୍ଧକ ଲଗାଇବାକୁ ଦାବି କରିଥିଲେ । ଜଲନ୍ଧର ଥାନା ସଦରରେ ଫିଲ୍ମର ଷ୍ଚାର ସନ୍ନି ଦେଓଲ, ରଣଦୀପ ହୁଡ୍ଡା, ବିନୀତ କୁମାର ସିଂହ, ନିର୍ଦ୍ଦେଶକ ଗୋପିଚନ୍ଦ ମାଲିନିନି ଏବଂ ନିର୍ମାତା ନବୀନ ମାଳିନିନିଙ୍କ ନାମରେ ବିଏନ୍ଏସ ଧାରା ୨୯୯ରେ( ଧାର୍ମିକ ଭାବନାକୁ ଆଘାତ ଦେବା) ମାମଲା ରୁଜୁ ହୋଇଛି ।
ଅଭିଯୋଗକାରୀ ହେଲେ ଜଲନ୍ଧରର ଫୋଲଡିବାଲ ଗ୍ରାମବାସୀ ବିକଳ୍ପ ଗୋଲ୍ଡୀ କହିଛନ୍ତି ଏପ୍ରିଲ ୧୦ରେ ପ୍ରେକ୍ଷାଳୟରେ ଫିଲ୍ମ 'ଜାଟ୍' ରିଲିଜ ହୋଇଥିଲା । ଏହାର ଏକ ଦୃଶ୍ୟରେ ରଣଦୀପ ହୁଡ୍ଡାଙ୍କୁ ଚର୍ଚ୍ଚ ଭିତରେ ପବିତ୍ର ପଲ୍ପିଟ ନିକଟରେ ଛିଡା ହୋଇଥିବା ଦେଖିବାକୁ ମିଳିଥିଲା । ଯେଉଁଠି ଯୀଶଶ୍ କ୍ରାଇଷ୍ଟ କ୍ରାସ ଫଟୋ ରହିଛି । ଏହି ଦୃଶ୍ୟରେ ଚର୍ଚ୍ଚ ଭିତରେ ଗୁଣ୍ଡାଗର୍ଦ୍ଦି ଏବଂ ଧମକାଇବା ପରି ସିନ୍ ଦର୍ଶାଇଥିଲା । ଫିଲ୍ମରେ ପ୍ରଭୁ ଯୀଶୁ ସମ୍ପର୍କିତ ଦୃଶ୍ୟକୁ ନକଲ କରାଯାଇ ଖ୍ରୀଷ୍ଟିଆନ ସମ୍ପ୍ରଦାୟଙ୍କୁ ଅପମାନିତ କରାଯାଇଛି ।
'ଜାଟ୍' ଷ୍ଟାରଙ୍କ ନାମରେ ବିଏନ୍ଏସ ଧାରା ୨୯୯ରେ ମାମଲା ରୁଜ୍ଜୁ ହୋଇଛି । କାର୍ଯ୍ୟାନୁଷ୍ଠାନ ଗ୍ରହଣ ନ ହେଲେ ବିରୋଧ ଜୋରଦାର ହେବ ବୋଲି କହିଛନ୍ତି ଅଭିଯୋଗକାରୀ । ତେବେ ଏ ନେଇ 'ଜାଟ୍' ନିର୍ମାତାଙ୍କ ପକ୍ଷରୁ କୌଣସି ପ୍ରତିକ୍ରିୟା ମିଳି ପାରିନାହିଁ ।
