ଭୁବନେଶ୍ୱର,୨୮/୦୩: ଜମିବାଡ଼ି ଭାଗ କରେଇ ଦେବା ପାଇଁ ଲାଞ୍ଚ ମାଗିଥିଲେ ଆଠମଲ୍ଲିକ ତହସିଲ ଅଫିସ୍ର ବରିଷ୍ଠ କିରାଣୀ । ୨୦ ହଜାର ଟଙ୍କା ଲାଞ୍ଚ ନେବା ବେଳେ ମାଡ଼ି ବସିଲା ଭିଜିଲାନ୍ସ । ଗିରଫ ହେଲେ ଆଠମଲ୍ଲିକ ତହସିଲର ବରିଷ୍ଠ କିରାଣୀ ସତ୍ୟପ୍ରିୟ ନାୟକ । ତାଙ୍କୁ ଠାରୁ ଭିଜିଲାନ୍ସ ଟିମ୍ ସମସ୍ତ ରଙ୍ଗବୋଳା ଟଙ୍କା ଜବତ କରିଛି ।
ସୂଚନା ମୁତାବକ, କେନ୍ଦୁପାଟି ଗ୍ରାମର ଚରଣ ନାୟକଙ୍କ ଜମିବାଡ଼ି ଭାଗ କରେଇ ଦେବା ପାଇଁ ୬ ମାସ ଯାଏଁ ଦଉଡ଼ାଇଥିଲେ ବରିଷ୍ଠ କିରାଣୀ । ପରେ ୨୦ ହଜାର ଟଙ୍କା ଲାଞ୍ଚ ମାଗିଥିଲେ ଆଠମଲ୍ଲିକ ତହସିଲର ବରିଷ୍ଠ କିରାଣୀ ସତ୍ୟପ୍ରିୟ ନାୟକ । ଏନେଇ ଚରଣ ନାୟକ ଭିଜିଲାନ୍ସ କର୍ମଚାରୀଙ୍କୁ ଜଣାଇଥିଲେ । ଖବର ପାଇ ଲାଞ୍ଚ ନେବା ସ୍ଥଳରେ ଭିଜିଲାନ୍ସ ଟିମ୍ ଛକି ବସିଥିଲା । ଲାଞ୍ଚ ଟଙ୍କା ନେବା ମାତ୍ରେ ଅନୁଗୁଳ ଭିଜିଲାନ୍ସ ଟିମ୍ ଚଢାଉ କରିଥିଲା । ହଠାତ୍ ଚଢାଉ କରି ସମସ୍ତ ରଙ୍ଗ ବୋଳା ଟଙ୍କା ଜବତ କରିବା ସହ ବରିଷ୍ଠ କିରାଣୀ ସତ୍ୟପ୍ରିୟ ନାୟକଙ୍କୁ ଗିରଫ କରିଛି ଭିଜିଲାନ୍ସ ଟିମ୍ ।
