ଭୁବନେଶ୍ଵର, ୦୭/୦୯ : ଧରାପଡ଼ିଲେ କୋଟିପତି ଅବକାରୀ ଏଏସଆଇ। ବାଲୁଗାଁ ଅବକାରୀ ଏଏସଆଇ ସୁଦୀପ୍ତ ଦାଶଙ୍କ ଘରୁ ନଗଦ ଲକ୍ଷେ ୩୫ ହଜାର ଟଙ୍କା ଜବତ ହୋଇଛି। ଏହା ସହ ୩୦୦ ଗ୍ରାମର ସୁନା ଜବତ ହୋଇଛି। ସୁଦୀପ୍ତ ଦାଶଙ୍କ ନାଁରେ ନୟାଗଡ଼ରେ ୬ଟି ପ୍ଲଟ୍ ଏବଂ ୨ଟି ଘର ରହିଛି।
ସୂଚନାନୁଯାୟୀ, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ବାଲୁଗାଁ ଅବକାରୀ ଏଏସଆଇଙ୍କ ଘରେ ଭିଜିଲାନ୍ସ ରେଡ୍ ହୋଇଥିଲା । ଖୋର୍ଦ୍ଧା ଓ ନୟାଗଡ଼ର ୪ଟି ସ୍ଥାନରେ ଚଢ଼ାଉ ହୋଇଥିଲା। ଏହି ଚଢାଉରେ ୪ ଜଣ ଡିଏସପି, ୬ ଇନ୍ସପେକ୍ଟର, ଏବଂ ଅନ୍ୟ ଅଧିକାରୀମାନେ ସାମିଲ ଥିଲେ। ବର୍ତ୍ତମାନ ସୁଦୀପ୍ତଙ୍କୁ ଅଟକ ରଖି ପଚରାଉଚୁରା କରୁଛି ଭିଜିଲାନ୍ସ। ପ୍ରକାଶ ଥାଉକି ସୁଦୀପ୍ତଙ୍କ ଛଅ ମାସ ତଳେ ବାଲୁଗାଁ ଅବକାରୀ ଏଏସଆଇ ଭାବେ ବଦଳି ହୋଇଥିଲା।
