କଟକ, ୧୪/୧୦: ଆଜି ମହାମାୟାଙ୍କ ଭସାଣି ଉତ୍ସବ । ପ୍ରସ୍ତୁତ ହେଉଛି ସାରା ରାଜ୍ୟ । ଭସାଣି ଉପଲକ୍ଷେ କଟକରେ ଟ୍ରାଫିକ କଟକଣା ଲାଗୁ ହୋଇଛି । ମେଢ଼ ଯାଉଥିବା ମୁଖ୍ୟ ରାସ୍ତାରେ ୱାନ୍ ୱେ ଟ୍ରାଫିକ ବ୍ୟବସ୍ଥା କରାଯାଇଛି । ବିଶେଷ କରି କଲେଜ ଛକରୁ ମାତା ମଠ ପର୍ଯ୍ୟନ୍ତ ୱାନ ୱେ ଟ୍ରାଫିକ ବ୍ୟବସ୍ଥା ହୋଇଛି । ଏହାଛଡ଼ା ମାତା ମଠ ଠାରୁ ଦେବୀ ଗଡା ପର୍ଯ୍ୟନ୍ତ ମଧ୍ୟ ୱାନ ୱେ ଟ୍ରାଫିକର ବନ୍ଦୋବସ୍ତ କରାଯାଇଛି ।
ତେବେ ମେଢ଼ ଯିବା ସମୟରେ ଗଳି ରାସ୍ତାରୁ କୌଣସି ଯାନବାହନ ମୁଖ୍ୟ ରାସ୍ତାକୁ ଯାଇ ପାରିବେ ନାହିଁ ବୋଲି ପ୍ରଶାସନ ପକ୍ଷରୁ ନିର୍ଦ୍ଦେଶ ଦିଆଯାଇଛି । ଏହାସହ ଖାନନଗର ଛକରୁ କୌଣସି ଯାନବାହନ ପୁରୀଘାଟ ତଥା ଦେବୀ ଗଡା ରାସ୍ତା ରେ ଯାଇ ପାରିବେ ନାହିଁ ବୋଲି କଟକ କମିଶନରେଟ ଟ୍ରାଫିକ ପକ୍ଷରୁ ପ୍ରେସ ରିଲିଜ ଜରିଆରେ ସୂଚନା ଦିଆଯାଇଛି ।
