ଆଠଗଡ଼,୧୬/୧୨: ଡିସେମ୍ୱର ୧୩ ତାରିଖରେ ଆଠଗଡ଼ ଥାନା ଅନ୍ତର୍ଗତ ବଡ ଭୂଇଁ ପଞ୍ଚାୟତ ଜାଗିଆପଡା ଗାଁରେ ହୋଇଥିବା ବୋମାମାଡ ଘଟଣାରେ ମୁଖ୍ୟ ଅଭିଯୁକ୍ତକୁ ଗିରଫ କରାଯାଇଛି । ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରିଛି ଆଠଗଡ଼ ପୋଲିସ । ଗିରଫ ହୋଇଥିବା ଅଭିଯୁକ୍ତ ଜଣକ ଜାଗିଆ ପଡା ଗ୍ରାମର ବିଷ୍ଣୁ ଚରଣ ଖଟୁଆ (୨୭) ବୋଲି ଜଣାପଡ଼ିଛି । ଏହି ଘଟଣାରେ ଅନ୍ୟ ଦୁଇ ଜଣ ଅଭିଯୁକ୍ତ ଏବେ ମଧ୍ୟ ଫେରାର ଅଛନ୍ତି । କଟକ ଜିଲ୍ଲା ଆଠଗଡ଼ ଅଞ୍ଚଳରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ଏକ ଜାତିଆଣ ଆକ୍ଷେପ ମାମଲାରେ ସାକ୍ଷୀ ପଡିଥିଲେ ଜାଗିଆ ପଡା ଗ୍ରାମର ପ୍ରଭାତ ରାଉତ । ତେଣୁ ତାଙ୍କୁ ଡରାଇବା ପାଇଁ ଡିସେମ୍ୱର ୧୩ ତାରିଖରେ ତାଙ୍କ ଘର ଉପରକୁ ବୋମାମାଡ କରିଥିଲେ କିଛି ଦୁର୍ବୃତ୍ତ । ଏନେଇ ଆଠଗଡ଼ ଥାନାରେ ଏକ ମାମଲା ରୁଜୁ ହେବା ପରେ ଘଟଣାର ତଦନ୍ତ ଆରମ୍ଭ କରିଥିଲା ପୋଲିସ । ତଦନ୍ତ କରି ମାମଲାରେ ମୁଖ୍ୟ ଅଭିଯୁକ୍ତ ବିଷ୍ଣୁ ଚରଣ ଖଟୁଆକୁ ଗିରଫ କରି କୋର୍ଟ ଚାଲାଣ କରିଛି ଆଠଗଡ଼ ପୋଲିସ । ଅନ୍ୟ ଅଭିଯୁକ୍ତ ମାନଙ୍କୁ ଖୁବ୍ ଶୀଘ୍ର ଗିରଫ କରାଯିବ ବୋଲି ଆଠଗଡ଼ ଥାନା ଅଧିକାରୀ ସୂଚନା ଦେଇଛନ୍ତି।
