ଆଠଗଡ଼, ୧୬/୧୨: କଟକ ପ୍ଲାଇଁ ସ୍କ୍ୱାର୍ଡ ଏବଂ ଆଠଗଡ ଅବକାରୀ ବିଭାଗ ପକ୍ଷରୁ ମିଳିତ ଭାବେ ବଡ଼ ଧରଣର ଚଢାଉ । ଡ଼ାଳୁଆ ଓ ଖଣ୍ଡୁଆଳି ଗ୍ରାମର ଚାରିପାଖରେ ଥିବା ସଂରକ୍ଷିତ ଜଙ୍ଗଲରରେ ଚଢ଼ାଉ କରି ଚୋରା ଦେଶୀ ମଦ ପ୍ରସ୍ତୁତ ପାଇଁ ଗଚ୍ଛିତ ଥିବା ୧୧,୭୬୦ ଲିଟର ପୋଚ ସହିତ ୧୭୫୦ ଲିଟର ଦେଶୀ ମଦ ଜବତ କରାଯାଇଛି । ସମସ୍ତ ସାମଗ୍ରୀ ଜବତ କରି ନଷ୍ଟ କରିଛି ଅବକାରୀ ବିଭାଗ । ସମସ୍ତ ଅଭିଯୁକ୍ତ ଘଟଣା ସ୍ଥଳରୁ ଫେରାର ହୋଇଛନ୍ତି । କଟକ ଜିଲ୍ଲା ଖୁଣ୍ଟୁଣୀ ଥାନା ଅଞ୍ଚଳରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ଡ଼ାଳୁଆ ଓ ଖଣ୍ଡୁଆଳି ଗ୍ରାମର ଚତୁପାର୍ଶ୍ଵର ଥିବା ସଂରକ୍ଷିତ ଜଙ୍ଗଲରରେ ଚୋରା ଦେଶୀ ମଦ ପ୍ରସ୍ତୁତ କରାଯାଉଥିବା ନେଇ ଅବକାରୀ ବିଭାଗ ଏକ ବିଶେଷ ସୂତ୍ରରୁ ଖବର ପାଇଥିଲା । ଖବର ପାଇ ଆଠଗଡ ଅବକାରୀ ବିଭାଗ ଏବଂ କଟକ ପ୍ଲାଇଁ ସ୍କ୍ୱାର୍ଡ ପକ୍ଷରୁ ମିଳିତ ଭାବେ ଚଢାଉ କରାଯାଇଥିଲା । ଏହି ଚଢ଼ାଉରେ ଆଠଗଡ଼ ଅବକାରୀ ଡେପୁଟି ସୁପରିଟେଣ୍ଡଣ୍ଟ ନିମାଇ ଚରଣ ସିଂଙ୍କ ସମେତ ୧୦ରୁ ଉର୍ଦ୍ଧ୍ୱ ଅଧିକାରୀ ସାମିଲ ଥିଲେ । ଜଙ୍ଗଲରେ ଚଢାଉ କରି ଦେଶୀ ମଦ ପ୍ରସ୍ତୁତ ପାଇଁ ଗଚ୍ଛିତ ଥିବା ୧୧୭୬୦ ଲିଟର ପୋଚ ସହିତ ୧୭୫୦ ଲିଟର ଦେଶୀ ମଦ ଜବତ କରାଯାଇଛି । ସମସ୍ତ ସାମଗ୍ରୀକୁ ନଷ୍ଟ କରିଦିଆଯାଇଛି । ତେବେ ଖୁଣ୍ଟୁଣୀ ଡ଼ାଳୁଆ ଓ ଖଣ୍ଡୁଆଳି ଅଞ୍ଚଳରେ ଅନେକ ଥର ଚଢାଉ ସତ୍ତ୍ୱେ ଅଭିଯୁକ୍ତ ମାନଙ୍କୁ ଗିରଫ କରିବାରେ ବିଫଳ ଅବକାରୀ ବିଭାଗ।
