ସାଲେପୁର,୨୭/୧୨: ଜଳିଖିଆ ଦୋକାନରେ ହେଉଥିଲା ବିଭିନ୍ନ ବ୍ରାଣ୍ଡର ଚୋରା ବିଦେଶୀ ମଦ ବେପାର । ଅଭିଯୋଗ ପରେ ଚଢ଼ାଉ କରି ୨୦ ଲିଟରରୁ ଉର୍ଦ୍ଧ୍ୱ ମଦ ଜବତ କରିଛି କିଶନ ନଗର ଥାନା ପୋଲିସ । ଯାହାର ଆନୁମାନିକ ମୂଲ୍ୟ ୧୫ ହାଜର ଟଙ୍କାରୁ ଅଧିକ ହେବ ବୋଲି ପୁଲିସ ସୂଚନା ଦେଇଛି । ଏହି ଘଟଣାରେ ଜଣକୁ ଗିରଫ କରାଯାଇଛି । ଗିରଫ ହୋଇଥିବା ଯୁବକ ଜଣକ ମଦ ବେପାରୀ ଉତ୍ତମ ସାହୁ ବୋଲି ଜଣାପଡ଼ିଛି । କଟକ ଜିଲ୍ଲା ସାଲେପୁର ଅଞ୍ଚଳର ରଟିଲୋ ବଜାରରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ଘଟଣାରୁ ପ୍ରକାଶ କଟକ ଜିଲ୍ଲାର କିଶନ ନଗର ଥାନା ଅନ୍ତର୍ଗତ ରଟିଲୋ ବଜାରରେ ଦୀର୍ଘ ବର୍ଷ ହେବ ଏକ ଜଳିଖିଆ ଦୋକାନରେ ବିଭିନ୍ନ ବ୍ରାଣ୍ଡର ଚୋରା ବିଦେଶୀ ମଦ କାରବାର ହେଉଥିଲା । ଏନେଇ ସ୍ଥାନୀୟ ଲୋକ ଅଭିଯୋଗ କରି ଆସୁଥିଲେ । କିଶନ ନଗର ଥାନା ପୋଲିସ ରଟିଲୋ ବଜାର ଉତ୍ତମ ଚରଣ ସାହୁଙ୍କ ଜଳଖିଆ ଦୋକାନରେ ଅତର୍କିତ ଭାବେ ଚଢ଼ାଉ କରି ୨୦ ଲିଟରରୁ ଉର୍ଦ୍ଧ୍ୱ ବିଭିନ୍ନ ବ୍ରାଣ୍ଡର ୬୧ ବୋତଲ ଚୋରା ବିଦେଶୀ ମଦ ଜବତ କରିଛି । ଏହା ସହ ଚୋରା ବିଦେଶୀ ମଦ ବେପାରୀ ଉତ୍ତମ ସାହୁଙ୍କୁ ଗିରଫ କରିଛି ପୋଲିସ ।
