କଟକ, ୨୯।୧୨: ମହାନଦୀରୁ ଅଚିହ୍ନା ମୃତଦେହ ଉଦ୍ଧାର । ଚୌଦ୍ଵାର ଥାନା ଟିପିଏମ ଫାଣ୍ଡି ଅର୍ନ୍ତଗତ ଡିହସାହି ଗ୍ରାମର ପାଖ ମହାନଦୀ ଭିତରେ ଏକ ଅଚିହ୍ନା ମହିଳା ମୃତଦେହ ଭାସୁଥିବାର ଦେଖିବାକୁ ମିଳିଥିଲା । ସୂଚନା ଅନୁସାରେ, ସ୍ଥାନୀୟ ଶନି ମନ୍ଦିର ନିକଟସ୍ଥ ମହାନଦୀ ଭିତରୁ ଏକ ଅଚିହ୍ନା ମୃତଦେହ ସ୍ଥାନୀୟ ଗ୍ରାମବାସୀ ଦେଖିବାକୁ ପାଇଥିଲେ । ସଙ୍ଗେ ସଙ୍ଗେ ସ୍ଥାନୀୟ ଟିପିଏମ୍ ଫାଣ୍ଡି ଅଧିକାରୀଙ୍କୁ ଖବର ଦେବା ପରେ ଫାଣ୍ଡିର ଅଧିକାରୀ ତୁରନ୍ତ ଆସି ଏହାକୁ ଅଧିକ୍ଷଣ କରି ଅଗ୍ନିଶମ ବିଭାଗକୁ ଖବର ଦେଇଥିଲେ । ଅଗ୍ନିଶମ ବିଭାଗ ବିବାହିତ ମହିଳାଙ୍କ ମୃତଦେହକୁ ନଦୀରୁ କୂଳକୁ ଅଣାଯାଇଥିଲା ।
ତେବେ ବର୍ତ୍ତମାନ ଯାଏଁ ମୃତ ମହିଳାଙ୍କ ପରିଚୟ ମିଳିପାରିନଥିବା ବେଳେ ବୟସ ମହିଳାଙ୍କ ପାଖାପାଖି ୩୫ ବର୍ଷ ବୋଲି ଅନୁମାନ କରାଯାଉଛି । ତୁରନ୍ତ ମୃତଦେହକୁ ସାବିତ୍ରୀ ଜନସେବା ଆମ୍ବୁଲାନ୍ସ ସାହଯ୍ୟରେ ଶବ ବ୍ୟବଚ୍ଛେଦ ପାଇଁ କଟକ ବଡ଼ ମେଡିକାଲକୁ ପଠାଇ ପୋଲିସ ତଦନ୍ତ କରୁଛି ।
