ପୁରୁଷୋତ୍ତମପୁର,୦୨/୦୧: ଦାମୋଦରପୁର ଗ୍ରାମରେ ରାସ୍ତା କଡର ଏକ ପଡିଆରୁ ନବଜାତ ଶିଶୁକନ୍ୟାର ମୃତଦେହ ଉଦ୍ଧାର କରାଯାଇଛି । ଶିଶୁଟିର ମୃତ୍ୟୁର କାରଣ ଅସ୍ପଷ୍ଟ ରହିଛି । ଗଞ୍ଜାମ ଜିଲ୍ଲା ପୁରୁଷୋତ୍ତମପୁର ବ୍ଲକ ଦାମୋଦରପୁର ଗାଁରେ ଏଭଳି ଘଟଣା ଘଟିଥିବାର ଖବର ସାମ୍ନାକୁ ଆସିଛି ।
ସୂଚନା ମୁତାବକ, ଦାମୋଦରପୁର ଗାଁର ରାସ୍ତା କଡ଼ ପଡ଼ିଆରେ ଏକ ନବଜାତ ଶିଶୁକନ୍ୟାର ମୃତଦେହ ଦେଖିବାକୁ ପାଇଥିଲେ ଗାଁ ଲୋକେ । ଏହା ଦେଖି ଗାଁ ଲୋକେ ତୁରନ୍ତ ପୋଲିସ ଏବଂ ଚାଇଲ୍ଡ ହେଲ୍ପ ଲାଇନ୍କୁ ଖବର ଦେଇଥିଲେ । ଖବର ପାଇ ଘଟଣା ସ୍ଥଳରେ ପୋଲିସ ଏବଂ ଚାଇଲ୍ଡ ହେଲ୍ପ ଲାଇନ୍ ପହଞ୍ଚିଥିଲେ । ସେଠାରେ ପହଞ୍ଚି ନବଜାତ ଶିଶୁକନ୍ୟାର ମୃତଦେହ ଉଦ୍ଧାର କରିଥିଲେ । ତେବେ କିଏ ଏପରି ଜଘନ୍ୟ କାଣ୍ଡ କରିଛି, ତାର ତଦନ୍ତ କରୁଛି ପୋଲିସ ।
