ମୁ୍ମ୍ବାଇ,୦୧/୦୨:ନୂଆବର୍ଷ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଭେଟିଲେ ପଞ୍ଜାବୀ ଗାୟକ ଦିଲଜିତ ଦୋସାଞ୍ଜ । ଯାହାର ଫଟୋ ଓ ଭିଡ଼ିଓ ମୋଦି ଏବଂ ଗାୟକ ଦିଲଜିତ୍ ସୋସିଆଲ ମିଡ଼ିଆରେ ସେୟାର କରିଛନ୍ତି । ତେବେ ପଞ୍ଜାବୀ ଗାୟକ ଦିଲଜିତ ଦୋସାଞ୍ଜଙ୍କୁ ଭେଟି ମୋଦି ଏହି ବୈଠକକୁ ଏକ ସ୍ମରଣୀୟ ବୋଲି ବର୍ଣ୍ଣନା କରିଛନ୍ତି। ସେପଟେ ଦିଲଜିତ ମଧ୍ୟ ଏହାକୁ ନେଇ ନବବର୍ଷର ଭଲ ଆରମ୍ଭ ବୋଲି କହିଛନ୍ତି । ତେବେ ଏହି ବୈଠକରେ ଭାରତୀୟ କଳା, ସଂସ୍କୃତି, ପଞ୍ଜାବୀ ସଙ୍ଗୀତର ବିଶ୍ୱ ପ୍ରଭାବ, ସୃଜନଶୀଳତା ଏବଂ ଉତ୍ତରାଧିକାରୀ ଉପରେ ଉଭୟ ଆଲୋଚନା ହୋଇଥିବା ସୂଚନା ମିଳିଛି।
ତେବେ ସୋସିଆଲ ମିଡି଼ଆ ପ୍ଲାଟଫର୍ମ ଇନଷ୍ଟାଗ୍ରାମରେ ପୋଷ୍ଟ ସେୟାର କରି ମୋଦି କ୍ୟାପସନରେ ଲେଖିଛନ୍ତି, 'ଏହା ଏକ ସ୍ମରଣୀୟ ବାର୍ତ୍ତାଳାପ'। ଭିଡିଓରେ ଦିଲଜିତ ପ୍ରଧାନମନ୍ତ୍ରୀ ମୋଦୀଙ୍କ କ୍ୟାବିନରେ ପହଞ୍ଚି ଏକ ବଡ଼ ପୁଷ୍ପଗୁଚ୍ଛ ଦେଇ ଅଭିବାଦନ ଜଣାଇଛନ୍ତି। ତୁମର ପରିବାର ତୁମର ନାମ ଦିଲଜିତ୍ ରଖିଛନ୍ତି, ତେଣୁ ତୁମେ ଲୋକଙ୍କ ହୃଦୟ ଜିତିବାରେ ଲାଗିଛ। ସେହିପରି ଦିଲଜିତ ମଧ୍ୟ ପ୍ରଧାନମନ୍ତ୍ରୀଙ୍କୁ କୃତଜ୍ଞତା ଜଣାଇଛନ୍ତି। ସେହିପରି ଦିଲଜିତ୍ ମଧ୍ୟ ଏକ୍ସରେ ପ୍ରଧାନମନ୍ତ୍ରୀଙ୍କ ସହ କିଛି ଫଟୋ ସେୟାର କରି କ୍ୟାପସନରେ ଲେଖିଛନ୍ତି ଯେ,' ୨୦୨୫ର ଆରମ୍ଭ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଜିଙ୍କ ସହ। ଏହା ଏକ ଅତ୍ୟନ୍ତ ସ୍ମରଣୀୟ ସଭା । ସଙ୍ଗୀତ ସମେତ ଅନେକ ଜିନିଷ ବିଷୟରେ ଆମେ ଆଲୋଚନା କରିଥିଲୁ ।
