ମୁମ୍ଵାଇ, ୦୧/୦୧ : ନୂଆବର୍ଷରେ ମନୋରଞ୍ଜନ ଜଗତ ପାଇଁ ବଡ଼ ଖବର। ୨୦୨୫ରେ ଆସିବାକୁ ଯାଉଛି ଆକ୍ସନ-ଥ୍ରିଲର ଏବଂ କମେଡିରେ ଭରପୁର ରୋମାଞ୍ଚକର ନୂଆ ଫିଲ୍ମ। ଉପଭୋଗ କରିବେ ଦର୍ଶକ। ତେବେ ଜାଣନ୍ତୁ ୨୦୨୫ରେ ରିଲିଜ୍ ହେବ କେଉଁ ସବୁ ଫିଲ୍ମ।
ସିକନ୍ଦର
ସଲମାନ ଖାନଙ୍କ ବହୁ ପ୍ରତିକ୍ଷିତ ଫିଲ୍ମ ସିକନ୍ଦର ୨୦୨୫ରେ ରିଲିଜ୍ ହେବାକୁ ଯାଉଛି। ଏଆର ମୁଋଗାଦାସଙ୍କ ଦ୍ଵାରା ନିର୍ଦ୍ଦେଶିତ ଫିଲ୍ମ ସିକନ୍ଦରରେ ସଲମାନ ଖାନ, ରଶ୍ମିକା ମନ୍ଦାନା ଏବଂ କାଜଲ ଅଗ୍ରୱାଲ ପ୍ରମୁଖ ଭୂମିକାରେ ନଜର ଆସିବେ। ଚଳିତ ବର୍ଷ ଇଦ୍ ଅବସରରେ ଏହି ଫିଲ୍ମ ରିଲିଜ୍ ହେବ।
ୱାର-୨
ହ୍ରିତ୍ଵିକ୍ ରୋଶନଙ୍କ ବ୍ଲକବଷ୍ଟର ଫିଲ୍ମ ୱାରର ସିକ୍ଵଲ ଖୁବ୍ ଶୀଘ୍ର ପରଦାକୁ ଫେରିବ। ଅୟାନ ମୁଖାର୍ଜୀଙ୍କ ଦ୍ଵାରା ନିର୍ଦ୍ଦେଶିତ ଫିଲ୍ମରେ କିୟାରା ଆଡଭାଣୀ ମୁଖ୍ୟ ଭୂମିକାରେ ନଜର ଆସିବେ। ଏହି ଫିଲ୍ମରେ ଜୁନିୟର ଏନଟିଆର ଖଳନାୟକ ଭୂମିକାରେ ନଜର ଆସିବେ। ଏହି ଫିଲ୍ମ ସ୍ଵାଧିନତା ଦିବସ ସମୟରେ ବକ୍ସ ଅଫିସରେ ଧମାଲ କରିବ।
ହାଉସଫୁଲ୍-୫
ଅକ୍ଷୟ କୁମାରଙ୍କ ଫିଲ୍ମ ହାଉସଫୁଲ୍-୫ ଚଳିତ ବର୍ଷ ବକ୍ସ ଅପିସରେ ଧମାଲ୍ କରିବ। ତରୁଣ ମନସୁଖାନୀଙ୍କ ଦ୍ଵାରା ନିର୍ଦ୍ଦେଶିତ ଏହି ଫିଲ୍ମରେ ରିତେଶ ଦେଶମୁଖ, ଅଭିଷେକ ବଚ୍ଚନ, ସୋନମ ବାଜୱା ଏବଂ ଅନ୍ୟ ଷ୍ଟାର ନଜର ଆସିବେ। ସାଜିଦ ନାଡିୟାଡୱାଲାଙ୍କ ଦ୍ଵାରା ନିର୍ମିତ ଏହି ଫିଲ୍ମ ଜୁନ୍ ୬ରେ ରିଲିଜ୍ ହେବ।
ସିତାରେ ଜମିନ ପର-
ଅମିର ଖାନଙ୍କ ଫଲ୍ମ ସିତାରେ ଜମିନ ପର ୨୦୨୫ରେ ରିଲିଜ୍ ହେବାକୁ ଯାଉଛି। ଏହା ୨୦୦୭ରେ ରିଲିଜ୍ ହୋଇଥିବା ଫିଲ୍ମ ତାରେ ଜମିନ ପରର ଆଧ୍ୟାତ୍ମିକ ସିକ୍ଵଲ। ଫିଲ୍ମରେ ଜେନେଲିଆ ଦେଶମୁଖ ମୁଖ୍ୟ ଭୂମିକାରେ ନଜର ଆସିବେ। ତେବେ ନିର୍ମାତା ଏଯାଏଁ ରିଲିଜ୍ ଡେଟ୍ ଘୋଷଣା କରିନାହାଁନ୍ତି।
