ନିଆଳି, ୦୧/୦୧: ନୂଆବର୍ଷ ସକାଳୁ ସକାଳୁ ଦୁଃଖଦ ଘଟଣା । ଚାହୁଁ ଚାହୁଁ ହୁ ହୁ ହୋଇ ଜଳିଗଲା ୧୦ ବଖରା ଘର । ଏହି ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଛି । ଏହି ଅଗ୍ନିକାଣ୍ଡରେ ମାଧବ ପ୍ରଧାନ ସାହିର ସୋମନାଥ ସାହୁ, ଚଇତନ ସାହୁ, କେଳୁସାହୁ, ପଦ୍ମଚରଣ ସାହୁ, କୈବଲ୍ୟ ସାହୁ ଓ ଭଗବାନ ସାହୁଙ୍କର ଧାନ ଚାଉଳ ସମେତ ଘର ଓ ଆସବାବପତ୍ର ଜଳିପୋଡି ପାଉଁଶ ହୋଇଯାଇଛି । ବୁଧବାର କଟକ ଜିଲ୍ଲା ନିଆଳି ଅଞ୍ଚଳର ମାଧବ ପ୍ରଧାନ ସାହିରେ ଏଭଳି ଘଟଣା ଘଟିଥିବାର ଖବର ସାମ୍ନାକୁ ଆସିଛି ।
ସୂଚନା ମୁତାବକ, ବୁଧବାର ସକାଳୁ ନିଆଳି ଅଞ୍ଚଳର ମାଧବ ପ୍ରଧାନ ସାହିରେ ହଠାତ ନିଆଁ ଲାଗି ଯାଇଥିଲା । ସାହିର ସୋମନାଥ ସାହୁ, ଚଇତନ ସାହୁ,କେଳୁସାହୁ, ପଦ୍ମଚରଣ ସାହୁ, କୈବଲ୍ୟ ସାହୁ ଓ ଭଗବାନ ସାହୁଙ୍କର ଧାନ ଚାଉଳ ସମେତ ଘର ଓ ଆସବାବପତ୍ର ଜଳିପୋଡି ପାଉଁଶ ହୋଇଗଲା । ଏହା ଦେଖି ସ୍ଥାନୀୟଲୋକେ ତୁରନ୍ତ ପୋଲିସ ଏବଂ ଅଗ୍ନିଶମ ବାହିନୀକୁି ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ଅଗ୍ନିଶମ ବାହିନୀର ଏକ ଟିମ୍ ପହଞ୍ଚି ନିଆଁକୁ ଆୟତ୍ତ କରିଛି । ଏହି ଅଗ୍ନିକାଣ୍ଡରେ ପ୍ରାୟ ୧୦ ଲକ୍ଷ ଟଙ୍କାର ସଂପତ୍ତି ପୋଡି ପାଉଁଶ ହୋଇଯାଇଛି । ତେବେ ଏହି ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଥିବା ବେଳେ କେହି ଜାଣିଶୁଣି ଏମିତି କରିଥିବା ସନ୍ଦେହ କରାଯାଉଛି । ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ଘଟଣାର ତଦନ୍ତ ଚଳାଇଛି ।
