ନୂଆଦିଲ୍ଲୀ – ପରସ୍ପର ଉପରେ ଟାରିଫ୍ ହମଲା ପରେ ଆମେରିକା ଓ ଚୀନ୍ରେ ଆରମ୍ଭ ହୋଇ ଯାଇଛି ଟ୍ରେଡ୍ ୱାର୍। ବ୍ୟବସାୟିକ ବିବାଦ ମଧ୍ୟରେ ଆମେରିକୀୟ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ପ୍ରେସ୍ ସଚିବ କ୍ୟାରୋଲିନ୍ ଲେଭିଟ୍ ଚୀନରେ ଅନଲାଇନ୍ ଷ୍ଟାର ହୋଇ ଯାଇଛନ୍ତି। ଏହା ପଛର ଅନେକ କାରଣ ମଧ୍ୟରେ କିଛି ତାଙ୍କର ସୌନ୍ଦର୍ଯ୍ୟ ଓ ସୁନ୍ଦର କେଶ ରହିଛି। ତାଙ୍କର ହ୍ୱାଇଟ୍ ହାଉସ୍ରେ ସାମ୍ୱାଦିକଙ୍କ ସହ ଯୁକ୍ତିତର୍କର ଭାଇରାଲ ଭିଡ଼ିଓ ଚୀନ୍ରେ ଖୁବ୍ ଚର୍ଚ୍ଚା ପାଲଟିଛି।
୨୭ ବର୍ଷିୟ କ୍ୟାରୋଲିନ୍ ଆମେରିକାର ସବୁଠୁ କମ୍ ବୟସର ହ୍ୱାଇଟ୍ ହାଉସ୍ ପ୍ରେସ୍ ସଚିବ ଅଛନ୍ତି। ନିକଟରେ ସୋସିଆଲ ମିଡ଼ିଆରେ ଭାଇରାଲ ହୋଇଛନ୍ତି। ଆମେରିକୀୟ ସାମ୍ୱାଦିକଙ୍କୁ ଦୃଢ ଜବାବ ଦେବାର କ୍ୟାରୋଲିନଙ୍କ ଭିଡ଼ିଓ ଚାଇନା ସୋସିଆଲ ମିଡ଼ିଆରେ ଖୁବ୍ ଜୋରରେ ବ୍ୟାପିବାରେ ଲାଗିଛି।
ଚୀନରେ କାହିଁକି ହେଉଛି ଚର୍ଚ୍ଚା –
ସାଉଥ୍ ଚାଇନା ମର୍ଣ୍ଣିଂ ପୋଷ୍ଟ ମୁତାବିକ , ଚାଇନା ସୋସିଆଲ ମିଡ଼ିଆ ୟୁଜର୍ସଙ୍କ କହିବାନୁସାରେ, ଲେଭିଟ୍ଙ୍କ ସୌନ୍ଦର୍ଯ୍ୟ , ଆତ୍ମବିଶ୍ୱାସ ଓ କାର୍ଯ୍ୟସ୍ଥଳରେ ଦୃଢ ଭାବେ ନିଜର ମତ ରଖିବାର ଉପାୟ ତାଙ୍କୁ ପ୍ରେରିତ କରୁଛି। ଶାନଡୋଙ୍ଗ ପ୍ରାନ୍ତର ଏକ ସୋସିଆଲ ମିଡ଼ିଆ ୟୁଜର ଝାଙ୍ଗ ଜିୟେୟି ଲେଖିଛନ୍ତି , ସେ ବାସ୍ତବରେ ସୁନ୍ଦର , ଆକର୍ଷଣୀୟ କେଶ ଓ ଖୁବ୍ ପ୍ରଭାବଶାଳୀ ବକ୍ତା। ଅନ୍ୟ ଜଣେ ୟୁଜର ଷ୍ଟିଭନ ଟିଆନ କହିଛନ୍ତି ,ସେ ସ୍ମାର୍ଟ, ଦୃଢ ଓ ସୁନ୍ଦରତାରେ ପୂର୍ଣ୍ଣ। ଆମକୁ କାର୍ଯ୍ୟସ୍ଥଳରେ ତାଙ୍କ ଠାରୁ ଶିଖିବା ଉଚିତ୍ ଯେ, କେମିତି ଆତ୍ମବିଶ୍ୱାସରେ ନିଜର କଥା ରଖିବାକୁ ହୁଏ।
ମହିଳାଙ୍କ ପାଇଁ ପ୍ରେରଣା-
ଅନେକ ଲୋକଙ୍କ ମତରେ କ୍ୟାରୋଲିନ୍ ଚୀନ୍ରେ ଆଧୁନିକ ଓ ସ୍ୱତନ୍ତ୍ର ମହିଳାଙ୍କ ନୂଆ ଛବିକୁ ଦର୍ଶାଇ ଥାଏ। ପରମ୍ପରାଗତ ଭାବେ ଚୀନ୍ରେ ମହିଳାଙ୍କୁ ପରିବାରର ଦେଖାଶୁଣା କରିବାର ଭୂମିକାରେ ଦେଖାଯାଉ ଥିଲା , କିନ୍ତୁ ଏବେ ଶିକ୍ଷା ଓ ଆର୍ଥିକ ସ୍ୱାଧୀନତାର ବଢୁଥିବା ସୁଯୋଗର କାରଣରୁ ମହିଳାମାନେ ନିଜର କ୍ୟାରିୟର ଉପରେ ମଧ୍ୟ ଧ୍ୟାନ ଦେଉଛନ୍ତି।
କ୍ୟାରୋଲିନ୍ଙ୍କ ରାଜନୀତିକ ଯାତ୍ରା-
କ୍ୟାରୋଲିନ ଲେଭିଟ୍ ନ୍ୟୁ ହାମ୍ପଶାୟରର ଏକ ଛୋଟ ସହରରେ ରୁହନ୍ତି ଏବଂ ତାଙ୍କ ପରିବାରରେ ପ୍ରଥମ ସଦସ୍ୟ। ସେ ଗ୍ରାଜୁଏସନ କରିଛନ୍ତି। ୨୦୨୦ରେ ଟ୍ରମ୍ପଙ୍କ ପୂର୍ବବର୍ତ୍ତୀ ସରକାରରେ ସେ ସହାୟକ ପ୍ରେସ୍ ସଚିବ ଭାବେ କାମ କରିଛନ୍ତି। ୨୦୨୧ରେ ଆମେରିକୀୟ ସାଂସଦ ଏଲିସ୍ ଷ୍ଟେଫାନିକଙ୍କ କାର୍ଯ୍ୟାଳୟରେ କାର୍ଯ୍ୟ କରିଛନ୍ତି। ୨୦୨୨ରେ କଂଗ୍ରେସ ନିର୍ବଚନରେ ଭାଗ ନେଇଥିଲା ,କିନ୍ତୁ ହାରି ଯାଇ ଥିଲା। ୨୦୨୪ରେ ସେ ପୁଣି ଥରେ ଟ୍ରମ୍ପ ପ୍ରଶାସନର ପ୍ରେସ ସଚିବ ହୋଇ ଥିଲେ। ଲେଭିଟ୍ ୩୨ ବର୍ଷ ବଡ଼ ରିୟଲ ଏଷ୍ଟେଟ୍ ଡେଭଲପର ନିକୋଲସ୍ ରିକିୟୋଙ୍କୁ ବିବାହ କରିଛନ୍ତି ଏବଂ ନିକଟରେ ସେ ମାଆ ହୋଇଛନ୍ତି।
