ନୂଆଦିଲ୍ଲୀ,୧୪/୦୩: ୩ ବର୍ଷରୁ ଅଧିକ ଦିନ ଧରି ଲାଗି ରହିଥିବା ଋଷ-ୟୁକ୍ରେନ୍ ଯୁଦ୍ଧରେ ବିରାମ ଲାଗିବାକୁ ଯାଉଛି । ୟୁକ୍ରେନ ସହ ଯୁଦ୍ଧ ବିରତି ପାଇଁ ରାଜି ହୋଇଛନ୍ତି ଋଷ ରାଷ୍ଟ୍ରପତି ଭ୍ଲାଦିମିର ପୁଟିନ୍ । ଡୋନାଲ୍ଡ ଟ୍ରମ୍ପଙ୍କ ଧମକ ପରେ ଯୁଦ୍ଧ ବିରତି ନେଇ ରାଜି ହୋଇଥିବା ସଂଙ୍କେତ ଦେଇଛନ୍ତି ପୁଟିନ୍ । ଏହା ସହିତ ସେ କିଛି ସର୍ତ୍ତ ମଧ୍ୟ ରଖିଛନ୍ତି ।
ଆମେରିକା ଚାପ ପରେ ରାଜି ୟୁକ୍ରେନ-ଋଷ : ୟୁକ୍ରେନ ସହ ଯୁଦ୍ଧ ବନ୍ଦ କରିବାକୁ ଆମେରିକା ନେତୃତ୍ବରେ ଦୁଇ ଥର ବୈଠକ ହୋଇଥିଲା । ସାଉଦି ଆରବରେ ଅନୁଷ୍ଠିତ ପ୍ରଥମ ବୈଠକରେ ଆମେରିକା ଏବଂ ଋଷ ପ୍ରତିନିଧିମାନେ ଆଲୋଚନା କରିବା ପରେ ଆମେରିକା ପ୍ରତିନିଧିମାନେ ୟୁକ୍ରେନ ସହ ଆଲୋଚନା କରିଥିଲେ । ବୈଠକରେ ଆମେରିକା ଦେଇଥିବା ପ୍ରସ୍ତାବକୁ ୟୁକ୍ରେନ ଗ୍ରହଣ କରିଥିଲା ବେଳେ ୩୦ ଦିନିଆ ଯୁଦ୍ଧ ବିରତି ପାଇଁ ରାଷ୍ଟ୍ରପତି ଜେଲେନସ୍କି ରାଜି ହୋଇଥିଲେ । ଏହା ପରେ ଯୁଦ୍ଧରେ ପୂର୍ଣ୍ଣଚ୍ଛେଦ ପଡିବା ସହ ଶାନ୍ତି ଦିଗରେ ବାଟ ଖୋଲିବା ନେଇ ଆଶା ସୃଷ୍ଟି ହୋଇଥିଲା । ଆମେରିକାର ଚାପ ପରେ ଦୁଇ ଦେଶ ଯୁଦ୍ଧରେ ବିରାମ ଦେବାକୁ ରାଜି ହେବା ନେଇ ସଙ୍କେତ ଦେଇଛନ୍ତି ।
ପୁଟିନଙ୍କ ସର୍ତ୍ତ- ଯୁଦ୍ଧ ବିରାମ ନେଇ ରାଜି ହେବା ନେଇ ସଙ୍କେତ ଦେଇଛନ୍ତି ପୁଟିନ୍ । ସେ କହିଛନ୍ତି, ଏହା ଦୀର୍ଘକାଳୀନ ଶାନ୍ତି ହେବା ଉଚିତ୍ । ଯୁଦ୍ଧର ମୂଳ କାରଣଗୁଡିକୁ ସମାଧାନ କରାଯିବା ଆବଶ୍ୟକ । କିଛି ପ୍ରସଙ୍ଗରେ ଡୋନାଲ୍ଡ ଟ୍ରମ୍ପଙ୍କ ସହ କଥା ହେବ । ଆମେ ଯୁଦ୍ଧ ରୋକିବା ପ୍ରସ୍ତାବରେ ସହମତ । ଯୁଦ୍ଧି ବିରତି ସ୍ଥାୟୀ ଶାନ୍ତି ଆଣିବ । ଆମେ ଅସ୍ତ୍ରବିରତି ପାଇଁ ପ୍ରସ୍ତୁତ ।
କଣ କହିଥିଲେ ଟ୍ରମ୍ପ ?
- ଏମିତି ପଦକ୍ଷେପ ଯାହା ଅର୍ଥନୀତିରେ ନକରାତ୍ମକ ପ୍ରଭାବ ପକାଇବ ।
-ଏହା ଋଷ ପାଇଁ ଘାତକ ହେବ ।
- ଏମିତି ଚାହୁଁଛି କାରଣ ମୋ ଲକ୍ଷ୍ୟ ଶାନ୍ତି ଆଣିବା ।
- ପ୍ରସ୍ତାବ ନମାନିଲେ ପରିଣାମ ଭୟଙ୍କର ହେବ ।
-ଯୁଦ୍ଧ ଜାରି ରଖିଲେ ପରିଣାମ ଭଲ ହେବ ନାହିଁ । ଋଷକୁ ଆର୍ଥିକ କ୍ଷତି ଭୋଗିବାକୁ ପଡିପାରେ ।
-ପୁଟିନଙ୍କୁ ଚେତବାନୀ ଦେଇଥିଲେ ଟ୍ରମ୍ପ ।
ମୋଦିଙ୍କୁ ଧନ୍ୟବାଦ ଦେଲେ ପୁଟିନ୍- ଋଷ ରାଷ୍ଟ୍ରପତି ଭ୍ଲାଦିମିର ପୁଟିନ୍ ଗୁରୁବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଓ ବ୍ରାଜିଲ ରାଷ୍ଟ୍ରପତି ଲୁଜହ ଇନାସିୟୋ ଲୁଲା ଦା ସିଲଭାଙ୍କୁ ଧନ୍ୟବାଦ ଦେଇଛନ୍ତି । ସେମାନେ ଋଷ-ୟୁକ୍ରେନ ଯୁଦ୍ଧକୁ ସମାପ୍ତ କରିବାକୁ ପ୍ରୟାସ କରୁଥିଲେ । ସେମାନଙ୍କ ପ୍ରତି ମୁଁ କୃତଜ୍ଞ ।
