ନୂଆଦିଲ୍ଲୀ,୩୦/୬ : ଝାନ୍ସି ସହରର କେତଓ୍ବାଲୀ ସହରରେ ଚୋରୀର ଏକ ଅଜବ ମାମଲା ସାମ୍ନାକୁ ଆସିଛି । ଏଠାରେ ଚୋର ଦୋକାନରୁ ଟଙ୍କା ଏବଂ ଅନ୍ୟ ଜିନିଷ ସହ ଦେଢ ଲକ୍ଷ ଟଙ୍କାର ଜିନିଷ ଚୋରୀ କରି ନେଇଛନ୍ତି । ଏହାପରେ ଛାତରେ ଆଇସକ୍ରିମ ଏବଂ ମହଙ୍ଗା ଚକୋଲେଟ ଖାଇ ଉପଭୋଗ କରିଛନ୍ତି । ଗାମୁଛା ଢଙ୍କାଇ ଦୋକାନରେ ଚୋରୀ କରୁଥିବା ସିସିଟିଭିରେ କଏଦ ହୋଇଯାଇଛି । ଚୋର ସିସିଟିଭି କ୍ୟାମେରାକୁ ବି ଭାଙ୍ଗିବାକୁ ପ୍ରୟାସ କରିଥିଲା ।
ସୂଚନା ମୁତାବକ, ଝାନ୍ସି ସହରର କେତବାଲୀ ଅନ୍ତର୍ଗତ ଛନିୟାପୁରରେ ରହୁଥିବା ଅରବିନ୍ଦ ସାହୁଙ୍କ ସୁଭାଷଗଞ୍ଜରେ କନ୍ଫେକ୍ଶନାରୀର ଦୋକାନ ଅଛି । ଦୋକାନର ପାଖାପାଖି ଅରବିନ୍ଦଙ୍କ ଭିଣୋଇ ରବିନ୍ଦ୍ର ରହିଥାନ୍ତି । ପ୍ରତ୍ୟେକ ଦିନ ଭଳି ଅରବିନ୍ଦ ଦୋକାନ ବନ୍ଦ କରି ଘରକୁ ଚାଲି ଯାଇଥିଲେ । ସକାଳେ ରବିନ୍ଦ୍ର ଯେତେବେଳେ ଛାତ ଉପରେ ରଖାଯାଇଥିବା କୁଣ୍ଡରେ ପାଣି ଢାଳିବାକୁ ଯାଇଥିଲେ ତ ସେ ଆଇସକ୍ରିମ ଏବଂ ଚକୋଲେଟର ଡବ୍ବା ପଡ଼ିଥିବା ଦେଖିବାକୁ ପାଇଥିଲେ ।
ରବିନ୍ଦ୍ରଙ୍କୁ ଯେତେବେଳେ ସନ୍ଦେହ ହେଲା ତ ଅରବିନ୍ଦ ସାହୁଙ୍କୁ ସୂଚନା ଦେଇଥିଲେ । ପରେ ଅରବିନ୍ଦ ଘଟଣାସ୍ଥଳରେ ପହଞ୍ଚିଥିଲେ ଏବଂ ଦୋକାନ ଖୋଲିଲେ ତ ସେଠାରେ ଜିନିଷ ସବୁ ବିଛୁଡ଼ି ହୋଇଥିବା ପଡ଼ିଥିବା ଦେଖିବାକୁ ପାଇଥିଲେ । ଦୋକାନରେ ପ୍ରାୟ ଦୁଇ ଲକ୍ଷ ଟଙ୍କା ଏବଂ ଅନ୍ୟ ଦାମୀ ଜିନିଷ ଗାୟବ ଥିଲା। ଯେତେବେଳେ ସିସିଟିଭି ଯାଞ୍ଚ କରିଥିଲେ ତ ସେଥିରେ ଏକ ବ୍ୟକ୍ତିଙ୍କ ଚେହେରାରେ ମାସ୍କ ଲାଗିଥିଲା ଏବଂ ଗାମୁଛାରେ ଢଙ୍କା ହୋଇଥିବାବେଳେ ଛାତ ରାସ୍ତାରୁ ଓହ୍ଲାଉଥିବା ନଜର ଆସିଥିଲେ । ସେ କ୍ୟାମେରାକୁ ବି ଭାଙ୍ଗିବାକୁ ପ୍ରୟାସ କରିଥିଲେ । ଚୋରୀ କରିବା ପରେ ସେ ଛାତ ଉପରକୁ ଯାଇଥିଲେ ଏବଂ ବୈଠକ କରି ଆଇସକ୍ରିମ ଏବଂ ଚକୋଲେଟର ମଜା ନେଇଥିଲେ ଏବଂ ଡବ୍ବାକୁ ଛାତ ଉପରେ ଛାଡ଼ି ଦେଇଥିଲେ ।
ଖବରପାଇ ପୋଲିସ ଘଟଣାସ୍ଥଳରେ ପହଞ୍ଚି ସିସିଟିଭି କ୍ୟାମେରା ଦେଖିଥିଲେ । ପୋଲିସ ଏକ ଟିମ୍ ଗଠନ କରି ଚୋରୀର ଯାଞ୍ଚ ଆରମ୍ଭ କରି ଦେଇଛି । ପୋଲିସର କହିବା କଥା କି ଚୋରକୁ ଖୁବଶୀଘ୍ର ଗିରଫ କରାଯିବ । ପୋଲିସ ଅଧିକ୍ଷକ ଜ୍ଞାନେନ୍ଦ୍ର କୁମାରଙ୍କ କହିବା କଥା କି ଦୋକାନରେ ଚୋରୀର ସିସିଟିଭି ଭିଡ଼ିଓ ସାମ୍ନାକୁ ଆସିଛି । ପୀଡ଼ିତଙ୍କ ଲିଖିତ ଅଭିଯୋଗ ଆଧାରରେ ମାମଲା ରୁଜୁ କରାଯାଇ ଆଗକୁ ତଦନ୍ତ ଜାରି ରହିବ ।