କଟକ,୦୫/୧୦: ସୁରୁଖୁରୁରେ ରାବଣ ପୋଡ଼ି ଉପରେ ହାଇକୋର୍ଟଙ୍କ ଗୁରୁତ୍ତ୍ୱ । କଟକରେ ରାବଣ ପୋଡ଼ିରେ ହେବ ନାହିଁ ବାଣ ପ୍ରତିଯୋଗିତା । କେବଳ ପରିବେଶ ଅନୁକୂଳ ରଙ୍ଗୀନ ବାଣ ବ୍ୟବହାର ପାଇଁ ଆଡଭୋକେଟ କମିଟିର ପ୍ରସ୍ତାବ । ରାବଣ ପୋଡ଼ି ପାଇଁ ବାଲିଯାତ୍ରା ତଳ ପଡ଼ିଆରେ ସମସ୍ତ ପ୍ରକାରର ବ୍ୟବସ୍ଥା ୧୦ ତାରିଖ ଭିତରେ ଯୋଗାଇବା ପାଇଁ ସିଏମସି, ଜିଲ୍ଲା ପ୍ରଶାସନକୁ ହାଇକୋର୍ଟଙ୍କ ନିର୍ଦ୍ଦେଶ ।
ସୂଚନା ମୁତାବକ, ପାଖେଇ ଆସିଲାଣି ପାର୍ବଣ । ଦୁର୍ଗାପୂଜା ପାଇଁ ସଜେଇ ହେଉଛି ସାରା ଓଡ଼ିଶା । ପୂଜାକୁ କିପରି ସୁରୁଖୁରୁରେ ସମାପ୍ତ କରାଯିବ, ତା ଉପରେ ଗୁରୁତ୍ତ୍ବ ଦେଇଛନ୍ତି ହାଇକୋର୍ଟ । ବିଶେଷ କରି ସୁରୁଖୁରୁରେ ରାବଣପୋଡ଼ି କରିବା ଉପରେ ଧ୍ୟାନ ଦିଆଯାଇଛି । ତେବେ ଚଳିତ ବର୍ଷ ରାବଣପୋଡ଼ିରେ ବାଣ ପ୍ରତିଯୋଗିତା ହେବ ନାହିଁ । କେବଳ ପରିବେଶ ସହ ଖାପ ଖୁଆଉଥିବା ରଙ୍ଗୀନ ବାଣ ବ୍ୟବହାର କରିବା ପାଇଁ ଆଡଭୋକେଟ କମିଟି ପ୍ରସ୍ତାବ ଦେଇଛି । ତେବେ ରାବଣ ପୋଡ଼ି ପାଇଁ ବାଲିଯାତ୍ରା ତଳ ପଡ଼ିଆରେ ସମସ୍ତ ପ୍ରକାରର ବ୍ୟବସ୍ଥା ୧୦ ତାରିଖ ଭିତରେ ଯୋଗାଇବା ଦେବା ପାଇଁ ସିଏମସି, ଜିଲ୍ଲା ପ୍ରଶାସନକୁ ହାଇକୋର୍ଟଙ୍କ ନିର୍ଦ୍ଦେଶ ଦେଇଛନ୍ତି ।
ଏଥିପାଇଁ ଟ୍ରାଫିକ ଉପରେ ମଧ୍ୟ ଗୁରୁତ୍ତ୍ବ ଦିଆଯାଇଛି । ଟ୍ରାଫିକ ପରିଚାଳନା ପାଇଁ ଡିସିପିଙ୍କୁ ନିର୍ଦ୍ଦେଶ ଦିଆଯାଇଛି । ସର୍ବଧର୍ମ ସାଧାରଣ ପରିଷଦ ପକ୍ଷରୁ ଆଗତ ଇଣ୍ଟର ଭେନିଂ ପିଟିସନର ଶୁଣାଣୀ କରି କୋର୍ଟ ଏହି ନିର୍ଦ୍ଦେଶ ଦେଇଛନ୍ତି ।
