ଖୋର୍ଦ୍ଧା, ୦୩/୦୭ : କଲେଜ୍ ଅଧ୍ୟକ୍ଷଙ୍କୁ ପିଟିଲେ ଅଧ୍ୟାପକ। ଖୋର୍ଦ୍ଧା ହଳଦିଆ କଲେଜ୍ରେ ଏଭଳି ଅଭାବନୀୟ ଘଟଣା ଘଟିଛି। ବୁଧବାର ସକାଳୁ ଅଧ୍ୟକ୍ଷଙ୍କ ଚାମ୍ବର ଭିତରେ ଅଧ୍ୟାପକ ଜଣକ ନିଜ ସମର୍ଥକଙ୍କ ସହ ଆସି ଆକ୍ରମଣ କରିଛନ୍ତି। ପିଟାପିଟି ବେଳର ଦୃଶ୍ୟ ସିସିଟିଭିରେ କଏଦ ହୋଇଛି। ଏନେଇ ଥାନାରେ ମାମଲା ରୁଜୁ ହୋଇଛି।
ସୂଚନାନୁଯାୟୀ, ହଳଦିଆ କଲେଜ ଇତିହାସ ବିଭାଗର ଅଧ୍ୟାପକ ବିଜୟ କୁମାର ଭଞ୍ଜଦେଓ ସକାଳ ସାଢେ ୮ଟା ସମୟରେ ତାଙ୍କ ୪ ସହଯୋଗୀମାନଙ୍କ ସହ ମିଶି ପ୍ରିନ୍ସପାଲ ଉମାକାନ୍ତ ପାତ୍ରଙ୍କୁ ଧମକ ଚମକ ଦେଇଥିଲେ। ଚାମ୍ଵର ଛାଡି ଚାଲିଯିବାକୁ କହିଥିଲେ। ଉମାକାନ୍ତ ସେଭଳି ନକରିବାରୁ ବିଜୟ କୁମାର ଏବଂ ତାଙ୍କର ସହଯୋଗୀ ପ୍ରିନ୍ସପାଲଙ୍କ ଉପରକୁ ଆକ୍ରମଣ କରିଥିଲେ। ଯାହାଫଳରେ ସେ ଆହତ ହୋଇଛନ୍ତି। ଏନେଇ ଉମାକାନ୍ତ ପାତ୍ର ଥାନାର ଦ୍ଵାରସ୍ଥ ହୋଇଛନ୍ତି।