ଢେଙ୍କାନାଳ,୨୯/୦୮: ଟ୍ରେନ ଲାଇନରେ ମିଳିଲା ଯୁବକଙ୍କ ମୃତଦେହ । ପୂର୍ବତଟ ରେଳପଥର ଢେଙ୍କାନାଳ ମୁଖ୍ୟ ଷ୍ଟେସନ ଠାରୁ କିଛି ଦୂରରେ ଟ୍ରେନ ଲାଇନରେ ପଡିରହିଥିଲା ମୃତଦେହ । ମୃତ ବ୍ୟକ୍ତିଙ୍କ ପରିଚୟ ଅସ୍ପଷ୍ଟ ରହିଥିବାବେଳେ ତାଙ୍କର ବୟସ ପ୍ରାୟ ୫୦ ବର୍ଷ ହୋଇଥିବା ଅନୁମାନ କରାଯାଇଛି । କୌଣସି ଟ୍ରେନ ଧକ୍କାରେ ବ୍ୟକ୍ତିଙ୍କର ଅକାଳ ମୃତ୍ୟୁ ହୋଇଛି । ଏହି ଅଘଟଣର ସଠିକ କାରଣ ଅସ୍ପଷ୍ଟ ରହିଛି । 

ସୂଚନା ଅନୁଯାୟୀ, ଢେଙ୍କାନାଳ ସହରର ବାଜିଚୌକ ସ୍ଥିତ ରେଲୱେ ଓଭର ବ୍ରିଜ ତଳେ ଏକ ମୃତଦେହ ପଡିଥିବା ଦେଖିବାକୁ ମିଳିଥିଲା । ପୂର୍ବତଟ ରେଳପଥର ଢେଙ୍କାନାଳ ମୁଖ୍ୟ ଷ୍ଟେସନ ଠାରୁ କିଛି ଦୂରରେ ବ୍ୟକ୍ତିଙ୍କ ମୃତଦେହଟି ପଡ଼ିରହିଥିଲା । କୌଣସି ଟ୍ରେନ ଧକ୍କାରେ ବ୍ୟକ୍ତିଙ୍କ ମୁଣ୍ଡ ବିଭତ୍ସ ଭାବେ କଟି ଯାଇଥିବା ବେଳେ ଗୋଟିଏ ହାତ ମଧ୍ୟ କଟି ଅଲଗା ପଡିରହିଥିଲା । ଏହା ଦେଖି ସ୍ଥାନୀୟଲୋକେ ପୋଲିସକୁ ଖବର ଦେଇଥିଲେ ।  ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହକୁ ଜବତ କରି ଘଟଣାର ତଦନ୍ତ ଆରମ୍ଭ କରିଛି । ତେବେ ବ୍ୟକ୍ତି ଜଣକ ଟ୍ରେନ ଲାଇନ ଅତିକ୍ରମ କରିବା ବେଳେ କୌଣସି ଟ୍ରେନ ଧକ୍କା ହେଉ କିମ୍ବା ନିଜେ ଆତ୍ମହତ୍ୟା କରିଥିବା ନେଇ ସନ୍ଦେହ କରୁଛି ପୋଲିସ ।