ମହାବିରୋଡ଼,୧୦/୯:କାମାକ୍ଷାନଗର ପୂର୍ବାଞ୍ଚଳ ରେଞ୍ଜ କଙ୍କଡାହାଡ଼ ଫରେଷ୍ଟ ସେକ୍ସନ କେରଜୁଳି ଠାରେ ଅଘଟଣ l ଭାଲୁକୁ ଟ୍ରାଙ୍କୁଲାଇଜ କଲାବେଳେ ଟ୍ରାଙ୍କୁଲାଇଜ ଇଞ୍ଜେକ୍ସନ ବାଜି ଜଣେ ଫରେଷ୍ଟର ଗୁରୁତର ହୋଇଛନ୍ତି l ଗୁରୁତର ଜଣକ ବିରାଶାଳ ଫରେଷ୍ଟର ଦୀପକ ସାହୁ l

 ସୂଚନା ଅନୁସାରେ କେରଜୁଳି ଗାଁ ରେ ଏକ ଭାଲୁ ଆତଙ୍କ ସୃଷ୍ଟି କରୁଥିଲା। ବନବିଭାଗ ସୂଚନା ପାଇ ଭାଲୁକୁ ଧରିବା ପାଇଁ ଯାଇଥିଲେ l ଭାଲୁର ଗତିବିଧି ନିରୀକ୍ଷଣ କରି ଭାଲୁକୁ ଟ୍ରାଙ୍କୁଲାଇଜ କଲାବେଳେ ଟ୍ରାଙ୍କୁଲାଇଜ ଇଞ୍ଜେକ୍ସନଟି ବିରାଶାଳ ଫରେଷ୍ଟର ଦୀପକ ସାହୁଙ୍କ ପଛପାର୍ଶ୍ଵରେ ବାଜିଥିଲା l ଫଳରେ ଘଟଣା ସ୍ଥଳରେ ତାଙ୍କ ସ୍ୱାସ୍ଥ୍ୟବସ୍ଥା ଗୁରୁତର ହୋଇଥିଲା l ତୁରନ୍ତ ବନବିଭାଗ ସହଯୋଗୀ କର୍ମଚାରୀଙ୍କ ସହାୟତାରେ ଦୀପକଙ୍କୁ ଢେଙ୍କାନାଳ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି l ସେଠାରେ ତାଙ୍କ ସ୍ୱାସ୍ଥ୍ୟବସ୍ଥା ଗୁରୁତର ଥିବାବେଳେ ତାଙ୍କର ଚିକିତ୍ସା ଜାରି ରହିଛି l ଟ୍ରାଙ୍କୁଲାଇଜ ଟିମରେ ଏସିଏଫଓ ସତ୍ୟନାରାୟଣ ସାହୁ, ରେଞ୍ଜ ଅଧିକାରୀ କୈଳାସ ଚନ୍ଦ୍ର ସାହୁ ଉପସ୍ଥିତ ଥିଲେ ।