ବ୍ରହ୍ମପୁର, ୧୭।୯: ଚକ୍‌ରେ ହସ୍ତଶିଳ୍ପୀ କଳାକାରଙ୍କ ଅଦ୍ଭୁତ କଳାକୃତି । ଏହି ହସ୍ତଶିଳ୍ପୀ କଳାକାର ତିଆରି କରିଛନ୍ତି ମୋଦି ଓ ତାଙ୍କ ମା’ ହିରାବେନ୍‌ଙ୍କ ପ୍ରତିକୃତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଜନ୍ମଦିନରେ ଅବସରରେ ସେ ଏହାକୁ ଉପହାର ଦେବେ । ବ୍ରହ୍ମପୁରର ହସ୍ତଶିଳ୍ପ କଳାକାର କେ.ବିଜୟ କୁମାର ରେଡ୍ଡୀ ଚକ୍‌ରେ ଏଭଳି ଅସାଧାରଣ କଳାକୃତି କରିଛନ୍ତି । ନିଜ ପ୍ରତିଭା ବଳରେ ପୁଣି ଥରେ ଲୋକଙ୍କୁ ଆଶ୍ଚର୍ଯ୍ୟ କରିଛନ୍ତି । ତାଙ୍କର ବର୍ତ୍ତମାନର କଳାକୃତି ବେଶ୍ ଚର୍ଚ୍ଚାରେ ରହିଛି । ଏହି ପ୍ରତିକୃତିର ଉଚ୍ଚତା ମାତ୍ର ୩ ସେମି । ପ୍ରଧାନମନ୍ତ୍ରୀଙ୍କୁ ଏହି କଳାକୃତି ପ୍ରଦାନ କରିବା ତାଙ୍କର ଏକ ବଡ଼ ସ୍ୱପ୍ନ ସାକାର ହେବା ସହ ସମାନ ବୋଲି ସେ କହିଛନ୍ତି । ଏଥିପାଇଁ ବିଜୟ ବହୁତ ଉତ୍ସାହିତ ଥିବା କହିଛନ୍ତି ।

ଗଞ୍ଜାମ ଜିଲ୍ଲା ବ୍ରହ୍ମପୁରରେ ବିଜୟଙ୍କ ଘର । ସାମାନ୍ୟ ଚକ୍‌କୁ ସେ ଏତେ ସୁନ୍ଦର କଳାକୃତିରେ ଗଢ଼ି ତୋଳନ୍ତି । ନିକଟରେ ବିଜୟ ନିଜର ଏହି ଅଦ୍ଭୁତ କଳାକୃତି ପାଇଁ ଦିଲ୍ଲୀଠାରେ ‘ମାଇ ଗଭର୍ଣ୍ଣମେଣ୍ଟ ସାଥି ଆୱାର୍ଡ’ରେ ସମ୍ମାନିତ ହୋଇଥିଲେ । ଚକ୍‌ରେ ନିଖୁଣ ଭାବେ ବିଭିନ୍ନ କାରିଗରୀ କରନ୍ତି ବିଜୟ । ତାଙ୍କର ଏଭଳି ପ୍ରତିଭା ପାଇଁ ସେ ଅନେକଙ୍କ ପାଇଁ ପ୍ରେରଣା ପାଲଟିଛନ୍ତି । ପ୍ରଧାନମନ୍ତ୍ରୀଙ୍କ ପାଇଁ ସେ ପ୍ରସ୍ତୁତ କରିଥିବା ଏହି ଉପହାର ହସ୍ତଶିଳ୍ପ ପାଇଁ ତାଙ୍କ ସମର୍ପଣଭାବର ଜ୍ୱଳନ୍ତ ଉଦାହରଣ  ।