ଭୁବନେଶ୍ୱର,୧୬ା୯(ବ୍ୟୁରୋ): ମେଡିକାଲ ନାମଲେଖା ପାଇଁ ସଂଶୋଧିତ ମେଧାତାଲିକା ପ୍ରକାଶ ପାଇଛି । ଏଥିରେ ଛାତ୍ରଛାତ୍ରୀ ୨୩ ତାରିଖ ମଧ୍ୟରେ ଚଏସ୍ ଫିଲିଂ ଓ ଲକିଂ କରିବେ । ଦ୍ୱିତୀୟ ପର୍ଯ୍ୟାୟ ପ୍ରୋଭିଜନାଲ୍ ଆଲଟମେଣ୍ଟ (ଅସ୍ଥାୟୀ ଆବଣ୍ଟନ ଲିଷ୍ଟ) ୨୪ ତାରିଖ ଅପରାହ୍ନ ୫ଟାରେ ପ୍ରକାଶ ପାଇବ । ୨୫ ତାରିଖ ସଂଧ୍ୟା ୫ଟା ସୁଦ୍ଧା ଏହି ସିଟ୍ ଆବଣ୍ଟନକୁ ନେଇ ପିଲାମାନେ ଅଭିଯୋଗ କରିପାରିବେ । ୨୬ରେ ଚୂଡ଼ାନ୍ତ ଆବଣ୍ଟନ ତାଲିକା ପ୍ରକାଶ ପାଇବ । ଏଥିସହ ଆଲଟ୍ମେଣ୍ଟ ଲେଟର ଡାଉନ୍ଲୋଡ୍ କରିବାକୁ ସୁଯୋଗ ମିଳିବ ।
୨୮ରୁ ଅକ୍ଟୋବର ୨ ତାରିଖ ମଧ୍ୟରେ ନାମଲେଖା ହେବ । ଓଜେଇଇ ସେଲ୍ଠାରେ ରିପୋର୍ଟିଂ କରି ନାମଲେଖା ପାଇଁ ଫି ଦାଖଲ କରି ନାମଲେଖାଇବେ ଛାତ୍ରଛାତ୍ରୀ । ଏହି ନାମଲେଖା ପ୍ରକ୍ରିୟାରୁ ଇଚ୍ଛୁକ ଛାତ୍ରଛାତ୍ରୀ ଅକ୍ଟୋବର ୧୩ ମଧ୍ୟରେ ଓହରି ପାରିବେ । ଏନେଇ ଆଜି ଓଡ଼ିଶା ଯୁଗ୍ମ ପ୍ରବେଶିକା ପରୀକ୍ଷା (ଓଜେଇଇ) ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି ।
ସେହିପରି ତୃତୀୟ ପର୍ଯ୍ୟାୟ ନାମଲେଖା ପ୍ରକ୍ରିୟା ଅକ୍ଟୋବର ୭ରୁ ୮ ମଧ୍ୟରେ ପଞ୍ଜିକରଣ, ଅନ୍ଲାଇନ୍ ଆପ୍ଲିକେଶନ, ଡକ୍ୟୁମେଣ୍ଟ ଅପଲୋଡ୍ ଓ ଯାଞ୍ଚ କରାଯିବ । ଏହାର ସଂଶୋଧିତ ମେରିଟ୍ ଲିଷ୍ଟ ଅକ୍ଟୋବର ୯ ତାରିଖରେ ପ୍ରକାଶ ପାଇବ । ଛାତ୍ରଛାତ୍ରୀମାନେ ୧୦ରୁ ୧୩ ମଧ୍ୟରେ ଚଏସ୍ ଫିଲିଂ କରିବେ । ୧୫ରେ ପ୍ରୋଭିଜ୍ନାଲ ସିଟ୍ ଆଲଟମେଣ୍ଟ ଲିଷ୍ଟ ପ୍ରକାଶ ପାଇବ ।
୧୬ରେ ସଂଧ୍ୟା ୫ଟା ସୁଦ୍ଧା ଏହି ସିଟ୍ ଆବଣ୍ଟନକୁ ନେଇ ପିଲାମାନେ ସୂଚନା, ଅଭିଯୋଗ ଆଦି କରିପାରିବେ । ୧୭ରେ ଚୂଡ଼ାନ୍ତ ତାଲିକା ପ୍ରକାଶ ପାଇବ । ଏଥିରେ ଚୟନ ହୋଇଥିବା ପିଲାମାନେ ୧୮ରୁ ୨୧ ମଧ୍ୟରେ ନାମଲେଖାଇବେ । ତେବେ ସ୍ପଟ୍ ରାଉଣ୍ଡ କାଉନ୍ସେଲିଂ ସଂପର୍କିତ ସୂଚନା ପରବର୍ତ୍ତୀ ସମୟରେ ଓଜେଇଇ ପକ୍ଷରୁ ଦିଆଯିବ । ଏନେଇ ସମସ୍ତ ସୂଚନା ଓଜେଇଇ ୱେବ୍ସାଇଟ୍ www.ojee.nic.in ରେ ଉପଲବ୍ଧ ରହିଛି ।