ନୂଆଦିଲ୍ଲୀ,୩।୬: ଭାରତୀୟ ବଂଶୋଦ୍ଭବ ମହାକାଶ ଯାତ୍ରୀ ସୁନିତା ଓ୍ବିଲିୟମ୍ସ ନିଜ ସାଥୀ ଯାତ୍ରୀଙ୍କ ସହ ମହାକାଶ ଯାତ୍ରାରେ ଯାଇଛନ୍ତି। ତାଙ୍କୁ ୧୪ ତାରିଖରେ ଫେରିବାର ଥିଲା, କିନ୍ତୁ ବୋଇଂ ଷ୍ଟାରଲାଇନ୍ ମହାକାଶ ଯାନରେ ସମସ୍ୟା ଯୋଗୁଁ ଫେରିବା ବିଳମ୍ବ ହୋଇଛି। ଏହାକୁ ନେଇ ଏବେ ଇସ୍ରୋ ମୁଖ୍ୟ ଏସ୍ ସୋମନାଥ ଏକ ଖୁସି ଖବର ଦେଇଛନ୍ତି। ସେ କହିଛନ୍ତି, ସୁନିତା ଓ୍ବିଲିୟମ୍ଙ୍କୁ ଫେରିବାରେ କୌଣସି ଚିନ୍ତାର କଥା ନାହିଁ।
ଇସ୍ରୋ ମୁଖ୍ୟ ଭରସା ଦେଇଛନ୍ତି, ମହାକାଶ ଷ୍ଟେସନ୍ ଲୋକଙ୍କ ପାଇଁ ଦୀର୍ଘ ସମୟ ପର୍ଯ୍ୟନ୍ତ ରହିବା ପାଇଁ ଏକ ସୁରକ୍ଷିତ ସ୍ଥାନ। ସୁନିତା ଓ୍ବିଲିୟମ୍ସ ବହୁ ମାସ ପର୍ଯ୍ୟନ୍ତ ମହାକାଶରେ ରହିପାରନ୍ତି। ଏକ ଇଣ୍ଟରଭ୍ୟୁରେ ଇସ୍ରୋ ମୁଖ୍ୟ କହିଛନ୍ତି, ଏହା କେବଳ ସୁନିତା ଓ୍ବିଲିୟମ୍ସ କିମ୍ବା ଅନ୍ୟ ମହାକାଶ ଯାତ୍ରୀଙ୍କ କଥା ନୁହେଁ। ତାଙ୍କୁ କୌଣସି ନା କୌଣସି ଦିନ ଫେରିବାର ଅଛି। ପୁରା ପ୍ରସଙ୍ଗ ବୋଇଂ ଷ୍ଟାରଲାଇନର ନାମକ ଏକ ନୂଆ କ୍ରୁ ମଡେଲର ପରୀକ୍ଷଣ, ସେଠାରୁ ଯିବା ଓ ପୁଣି ସୁରକ୍ଷିତ ଫେରିବାର କ୍ଷମତା ବିଷୟରେ ରହିଛି। ସ୍ପେସ୍ ଏଜେନ୍ସି ପାଖରେ ତାଙ୍କୁ ଫେରାଇ ଆଣିବାର ପର୍ଯ୍ୟାପ୍ତ କ୍ଷମତା ରହିଛି। ଏହା କୌଣସି ବଡ଼ ପ୍ରସଙ୍ଗ ନୁହେଁ।
ଇସ୍ରୋ ମୁଖ୍ୟ ଏହି କଥା ଉପରେ ଜୋର ଦେଇଛନ୍ତି ଯେ, ମହାକାଶ ଯାତ୍ରୀଙ୍କୁ ଫେରିବା ବିଷୟରେ ଚିନ୍ତା କରିବା ବଦଳରେ ଏକ ନୂଆ କ୍ରୁ ମଡ୍ୟୁଲ ପରୀକ୍ଷଣ ଓ ମହାକାଶ ଯାତ୍ରା କରିବାର କ୍ଷମତା ଉପରେ ବିଚାର କରିବା ଉଚିତ। ସେ ସୁନିତା ଓ୍ବିଲିୟମ୍ସଙ୍କ ନୂତନ ମହାକାଶ ଯାନର ପ୍ରଥମେ ଉଡାଣ କରିବାର ସାହାସକୁ ଖୁବ୍ ପ୍ରଶଂସା କରିଛନ୍ତି।
