ନୂଆଦିଲ୍ଲୀ : ପାକିସ୍ତାନର ଖୈବର ପଖତୁନଖ୍ୱାର ଦକ୍ଷିଣୀ ବଜିରସ୍ତାନ ଜିଲ୍ଲାରେ ସେନାର କ୍ୟାମ୍ପ ପାଖରୁ ଏକ ଆତ୍ମଘାତୀ ଆତଙ୍କୀ ହମଲା ହୋଇଛି। ସେନାର ଯବାନମାନେ ଏହି ହମଲା ପରେ ୧୦ ଆତଙ୍କୀଙ୍କୁ ନିପାତ କରିଛନ୍ତି। ଆକ୍ରମଣକାରୀ ଗାଡ଼ିରେ ନିଜକୁ ଉଡ଼ାଇ ଦେଇଛି। ଉକ୍ତ ହମଲା ପଛରେ ତହରିକ-ଏ-ତାଲିବାନର ହାତ ଥିବାର କୁହାଯାଉଛି। ହେଲେ , ଏବେ ଅଫିସିଆଲି ସ୍ପଷ୍ଟ ହୋଇ ପାରି ନାହିଁ।
ପୁଲିସ ଅଧିକାରୀମାନେ କହିଛନ୍ତି ଯେ, ଜଣ୍ଡୋଲାରେ ଜୋରଦାର ବିସ୍ଫୋରଣ ପରେ ଖୁବ୍ ଗୁଳିମାଡ଼ର ଶବ୍ଦ ଶୁଣା ଯାଇଥିଲା। ଆତଙ୍କବାଦୀମାନେ ଜଣ୍ଡୋଲା ଚେକପୋଷ୍ଟରେ ହମଲା କରିବାକୁ ଚେଷ୍ଟା କରି ଥିଲେ। ଆତ୍ମଘାତୀ ଆକ୍ରମଣକାରୀ ଏଫସି କ୍ୟାମ୍ପ ପାଖରେ ଏକ ଗାଡ଼ିରେ ନିଜକୁ ଉଡ଼ାଇ ଦେଇଥିଲା।
ଜିୟୋ ନ୍ୟୁଜ ଅନୁସାରେ , ଏହି ଆତଙ୍କୀ ହମଲା ପରେ ପଡୋଶୀ ଦେଶର ଗୃହମନ୍ତ୍ରୀ ମହସିନ ନକଭି କହିଛନ୍ତି , ପାକିସ୍ତାନ ଆତଙ୍କବାଦକୁ ଶେଷ କରିବାକୁ ସୁରକ୍ଷାବାହିନୀ ସହ ଠିଆ ହୋଇଛି। ଉଲ୍ଲେଖନୀୟ ଯେ, ପାକିସ୍ତାନର ବଲୁଚିସ୍ତାନରେ ଗତ ଦିନରେ ଜାଫର ଏକ୍ସପ୍ରେସ୍କୁ ବିଦ୍ରୋହୀମାନେ ହାଇଜାକ୍ କରି ନେଇ ଥିଲ, ଯେଉଁଥିରେ ଅନେକ ଲୋକଙ୍କ ମୃତ୍ୟୁ ହୋଇଛି। ବଲୁଚିସ୍ତାନର ଘଟଣାରେ ବିଦ୍ରୋହୀମାନେ ରେଳର ଟ୍ରାକ୍କୁ ଉଡ଼ାଇ ଦେଇଥିଲେ ଏବଂ ଖଣିଜ ସମୃଦ୍ଧ ବଲୁଚିସ୍ତାନର ରାଜଧାନୀ କ୍ୱେଟାରୁ ପେଶାୱର ଯାଉଥିବା ଜାଫର ଏକ୍ସପ୍ରେସ୍ରେ ଗୁଳିମାଡ଼ କରିଥିଲେ ,ଯେଉଁଥିରେ ବସିଥିବା ୪୪୦ ଯାତ୍ରୀଙ୍କ ମଧ୍ୟରୁ ଅନେକଙ୍କୁ ବନ୍ଧକ କରିନିଆ ଯାଇ ଥିଲା । ବଲୁଚ ଲିବରେସନ ଆର୍ମି (ବିଏଲଏ) ହମଲାରେ ନିଜକୁ ଦାୟୀ କରିଥିଲା, ଯେଉଁଥିରେ ୨୧ ଜଣ ବନ୍ଧକଙ୍କୁ ହତ୍ୟା କରାଯାଇ ଥିଲା ଏବଂ ୪ଜଣ ସୁରକ୍ଷା କର୍ମୀଙ୍କର ମଧ୍ୟ ମୃତ୍ୟୁ ହୋଇଥିଲା।
ପାକିସ୍ତାନ ଇନଷ୍ଟିଟ୍ୟୁଟ୍ ଫର୍ କନଫ୍ଲିକ୍ଟ ଆଣ୍ଡ ସିକ୍ୟୁରିଟି ଷ୍ଟଜିଜ୍ (ପିଆଇସିଏସଏସ) ଦ୍ୱାରା ତଥ୍ୟ ଅନୁସାରେ , ଜାନୁଆରୀ ୨୦୨୫ରେ ଦେଶରେ ଆତଙ୍କୀ ହମଲାରେ ଖୁବ୍ ବୃଦ୍ଧି ଦେଖିବାକୁ ମିଳିଛି, ଯାହା ଗତ ମାସ ତୁଳନାରେ ୪୨ ପ୍ରତିଶତ ଅଧିକ। ତଥ୍ୟରୁ ଜଣାପଡ଼ିଛି କି ପାକିସ୍ତାନରେ ଅତି କମ୍ରେ ୭୪ ଆତଙ୍କବାଦୀ ହମଲା ରେକର୍ଡ କରାଯାଇଛି, ଯେଉଁଥିରେ ପରିଣାମସ୍ୱୂରପ ୯୧ଜଣଙ୍କର ମୃତ୍ୟୁ ହୋଇଛି, ୩୫ ସୁରକ୍ଷାକର୍ମୀ , ୨୦ଜଣ ନାଗରିକ ଓ ୩୬ ଆତଙ୍କବାଦୀ ସାମିଲ ଅଛନ୍ତି।
ଅନ୍ୟ ୧୧୭ ଜଣ ଲୋକ ଆତଙ୍କ ହୋଇଛନ୍ତି ,ଯେଉଁଥିରେ ୫୩ ସୁରକ୍ଷା ବାହିନୀର ଯବାନ , ୫୪ ନାଗରିକ ଓ ୧୦ ଜଣ ଆତଙ୍କବାଦୀ ସାମିଲ ଅଛନ୍ତି। ଖୈବର ପଖତୁନଖ୍ୱା (କେପି)ସବୁଠୁ ଖରାପ ଭାବେ ପ୍ରଭାବିତ ପ୍ରାନ୍ତ ରହିଛି, ଏହା ପରେ ବଲୁଚିସ୍ତାନ ରହିଛି। କେପିରେ ଥିବା ଜିଲ୍ଲାରେ , ଆତଙ୍କବାଦୀ ୨୭ଟି ହମଲା କରିଛନ୍ତି, ଯାହାର ପରିଣାମସ୍ୱରୂପ ୧୯ ମୃତ୍ୟୁ ହୋଇଛି, ଯେଉଁଥିରେ ୧୧ଜଣ ସୁରକ୍ଷାକର୍ମୀ , ୬ ଜଣ ନାଗରିକ ଓ ଦୁଇ ଜଣ ଆତଙ୍କବାଦୀ ସାମିଲ ଅଛନ୍ତି।
