ନୂଆଦିଲ୍ଲୀ,୧୧/୩ : ରିଲ୍ସ ଲାଗି ପ୍ରତ୍ୟେକ ଦିନ ଅନେକ ଜୀବନ ଚାଲିଯାଉଛି । ସରକାରୀ ସ୍ତର ହେଉ କିମ୍ବା ବେସରକାରୀ ସ୍ତରରେ ଏହା ପ୍ରତି ଅନେକ ସତର୍କତା ଅବଲମ୍ବନ କରାଯାଉଛି । ତଥାପି ବିପଦପୂର୍ଣ୍ଣ ସ୍ଥାନରେ ରିଲ୍ସ କରି କେତେକ ଜୀବନ ସଙ୍କଟାପନ୍ନ ହେବା ସହ କେତେକଙ୍କ ମୃତ୍ୟୁ ହେଉଛି । ମାତ୍ର ଚେତୁନାହାନ୍ତି ଯୁବକଯୁବତୀ । ସୋସିଆଲ ମିଡ଼ିଆରେ ପ୍ରତ୍ୟେକ ଦିନ ଏଭଳି କିଛି ଭିଡ଼ିଓ ଭାଇରାଲ ହେବାରେ ଲାଗିଛି । ଯାହାକି ଚିନ୍ତାର ବିଷୟ ପାଲଟିଛି । ଏଭଳି ଏକ ଭିଡ଼ିଓ ସାମ୍ନାକୁ ଆସିଛି ଯାହା ଆଶ୍ଚର୍ଯ୍ୟ କରିଦେବ ।
ଏହି ଭିଡ଼ିଓରେ ଜନୈକ ଯୁବକ ଚଳନ୍ତା ଟ୍ରେନର ଝରକାରେ ଝୁଲି ରହିଥିବା ଦେଖାଯାଉଛି । ସେ ନିଜ ଜୀବନ ବିପଦରେ ପକାଇ ଟ୍ରେନର ଝରକାରେ ଝୁଲି ରହିଛନ୍ତି , କିନ୍ତୁ ହଠାତ୍ ଟ୍ରେନ୍ ଅଟକି ଯାଉଛି ଏବଂ ଯୁବକ ତଳେ ପଡ଼ି ଆହତ ହୋଇଛନ୍ତି ।
ଭିଡ଼ିଓରେ ଜନୈକ ଯୁବକ ଚଳନ୍ତା ଟ୍ରେନର ଝରକାରେ ଝୁଲି ରହିଥିବା ଦେଖାଯାଉଛନ୍ତି । ସେ ଇଷ୍ଟାଗ୍ରାମ ରିଲ୍ କରିବା ଲାଗି ପ୍ରୟାସ କରୁଥିଲେ , ମାତ୍ର ଭାରସାମ୍ୟ ହରାଇ ସେ ଦ୍ରୁତ ଗତିରେ ଚାଲୁଥିବା ଟ୍ରେନର ଝରକାର ବାହାର ଭାଗରେ ଝୁଲି ରହିଥିବା ଦେଖାଯାଉଛନ୍ତି । ଏଭଳି ଏକ ଦୃଶ୍ୟ କାସଗଞ୍ଜରୁ କାନପୁର ଯାଉଥିବା ଟ୍ରେନର ଅଟେ ।
ଯେତେବେଳେ ଟ୍ରେନ ଗ୍ରାମାଞ୍ଚଳ ଅଞ୍ଚଳରେ ଯାଉଥିଲା ଜଣେ ବ୍ୟକ୍ତି ଟ୍ରେନର ଝରକାରେ ଝୁଲି ରହିଥିଲେ ଏବଂ ଅନ୍ୟ ଯାତ୍ରୀମାନେ ତାଙ୍କ ହାତ ଧରିଥିଲେ । ଯେତେବେଳେ ଟ୍ରେନ ଅଟକିଥିଲା ତ ଏହି ବିପଦଜନକ ସ୍ଥିତି ଟଳି ଯାଇଥିଲା ଏବଂ ଉକ୍ତ ବ୍ୟକ୍ତି ଜଣଙ୍କ ସୁରକ୍ଷିତ ରୂପରେ ଓହ୍ଲାଇପଡ଼ିଥିଲେ । ଯଦି ଟ୍ରେନ ଅଟକି ନଥାନ୍ତା ଉକ୍ତ ବ୍ୟକ୍ତି ନିଜକୁ ଖସାଇଦେଇଥାନ୍ତେ ଏବଂ ଜୀବନ ଚାଲିଯାଇଥାନ୍ତା ।
ଏହି ଭିଡ଼ିଓ ଭାଇରାଲ ହେବା ପରେ କାନପୁର ଜୋନର ଏଡିଜି ଏହି ମାମଲାର ଯାଞ୍ଚ ଲାଗି ରାଜକୀୟ ରେଲଓ୍ବେ ପୋଲିସ ୟୁପି(ଜିଆରପି)ଙ୍କୁ ନିର୍ଦେଶ ଦେଇଥିଲେ । ଜିଆରପି ଏସପି ଜିଆରପି ଆଗ୍ରାଙ୍କୁ ମାମଲାର ଯାଞ୍ଚ କରିବା ଲାଗି ନିର୍ଦେଶ ଦେଇଥିଲେ । ସୋସିଆଲ ମିଡ଼ିଆରେ କେତେକ ଲୋକ ଉକ୍ତ ବ୍ୟକ୍ତିର ଏଭଳି ବ୍ୟବହାରକୁ ନିନ୍ଦା କରିବା ସହ ଅନ୍ୟ କେହି ଏଭଳି ଷ୍ଟଣ୍ଟ କରିବାକୁ ମନା କରିଛନ୍ତି ।
