ଭୁବନେଶ୍ୱର, ୨୬।୭: ମଧୁମେହ ବଢ଼ାଏ ଭାତକୁ ହାଇ ଗ୍ଲାଇସେମିକ୍ ଫୁଡ୍ କୁହାଯାଏ । ଅର୍ଥାତ୍ ହାଇ ଗ୍ଲାଇସେମିକ୍ ଖାଦ୍ୟ ଖୁବ୍ ଶୀଘ୍ର ହଜମ ହୋଇ ଶରୀରରେ ଶର୍କରା ସୃଷ୍ଟି କରିଥାଏ । ଏଣୁ ମଧୁମେହ ସମସ୍ୟାରେ ପୀଡ଼ିତ ଥିବା ବ୍ୟକ୍ତି ଭାତ ସେବନ କମ୍ କରିବା ଉପଯୋଗୀ ହୋଇଥାଏ । ସେହିପରି ରାତି ସମୟରେ ଭାତ ଖାଇଲେ ମଧୁମେହ ଥିବା ବ୍ୟକ୍ତିଙ୍କ ସମସ୍ୟା ଆହୁରି ବଢ଼ାଇଥାଏ ।
ହୃଦୟ ସମସ୍ୟା ସୃଷ୍ଟି କରେ:
ରାତିରେ ଭାତ ଖାଇବା ଦ୍ୱାରା ମେଟାବଲିକ୍ ଅର୍ଥାତ୍ ମୋଟା ହେବାର ଆଶଙ୍କା ରହିଥାଏ । ଏଥିରେ ଉଚ୍ଚ ରକ୍ତଚାପ ସମସ୍ୟା ବୃଦ୍ଧି ହେବା ସହ ହାଇ ଟ୍ରାଇଗ୍ଲାଇସରାଇଡ୍ ଏବଂ ଗୁଡ୍ କୋଲେଷ୍ଟ୍ରଲ୍ ହ୍ରାସ ହୋଇଥାଏ । ଯାହା ହୃଦ୍ ସମସ୍ୟାର ଆଶଙ୍କା ବୃଦ୍ଧି କରେ ।
ମେଦ ବୃଦ୍ଧି:
ରାତିରେ ଭାତ ଖାଇବା ଦ୍ୱାରା ଓଜନ ବୃଦ୍ଧି ହୋଇଥାଏ । ଭାତରେ କାର୍ବୋହାଇଡ୍ରେଡ୍, ଫାଇବର ଓ ଭିଟାମିନ୍-ବି ଅଧିକ ରହିଥାଏ । ଏସବୁ ଶରୀରରେ ଚର୍ବି ବୃଦ୍ଧି କରିଥାଏ ।
ବଦହଜମି ସମସ୍ୟା ହୁଏ:
ଦିନବେଳା ଭାତ ଖାଇ ଶାରୀରିକ କାର୍ଯ୍ୟ କରିବା ଦ୍ୱାରା ଏହା ସହଜରେ ହଜମ ହୋଇଯାଏ । କିନ୍ତୁ, ରାତିରେ ଶରୀର ବିଶ୍ରାମ କରିଥାଏ । ଏଣୁ ଏହି ସମୟରେ ଭାତ ଖାଇବା ଦ୍ୱାରା ହଜମ ପ୍ରକ୍ରିୟା ମନ୍ଥର ହୋଇଯାଇ ଗ୍ୟାସ୍, ବଦହଜମି, କୋଷ୍ଠକାଠିନ୍ୟ ଆଦିର ସମସ୍ୟା ଦେଖାଯାଏ ।
ନିଦ ବଢ଼ାଏ:
ଭାତ ଖାଇଲେ ଶରୀରରେ ଟ୍ରାଇପ୍ଟୋଫାନ ନାମକ ଏକ ଏସିଡ୍ ଅଧିକ କ୍ଷରଣ ହୁଏ, ଯାହା ନିଦ ବୃଦ୍ଧି କରାଇଥାଏ । ଅଧିକ ଶୋଇବା ଦ୍ୱାରା ଶରୀର ଓ ମାନସିକ ସ୍ୱାସ୍ଥ୍ୟ ଉପରେ ଏହା କୁପ୍ରଭାବ ପକାଇଥାଏ ।