ନୂଆଦିଲ୍ଲୀ, ୨୫/୨ : ଆଇସିସି ଚାମ୍ପିୟନ୍ସ ଟ୍ରଫି ୨୦୨୫ର ଚାରି ଇଭେଣ୍ଟ ଆମ୍ବାସଡରଙ୍କ ମଧ୍ୟରୁ ଜଣେ ଶିଖର ଧଓ୍ବନ ଶୁଭମନ ଗିଲଙ୍କୁ ନେଇ ଦେଲେ ବଡ଼ ବୟାନ । ୩୯ବର୍ଷୀୟ ପୂର୍ବତନ କ୍ରିକେଟରଙ୍କ କହିବା ଅନୁସାରେ ରୋହିତ ଶର୍ମାଙ୍କ ପରେ ଶୁଭମନ ଗିଲ୍ ଭାରତୀୟ କ୍ରିକେଟ ଟିମର ଆଗାମୀ ଅଧିନାୟକ ହେବେ । ଭାରତ ବନାମ ପାକିସ୍ତାନ ମ୍ୟାଚ୍ ପରେ ଭାରତୀୟ ସାମ୍ବାଦିକମାନଙ୍କ ସହ କଥା ହେବା ସମୟରେ ସେ କହିଥିଲେ କି, ନିଶ୍ଚିତ ରୂପରେ ସେ ଅଧିନାୟକ ହେବେ । ସେ ଏବେ ଉପ- ଅଧିନାୟକ ଅଛନ୍ତି। କିନ୍ତୁ ଏହା ସ୍ପଷ୍ଟ ଅଟେ କି ଏଭଳି ଏକ ଦିନ ଆସିବ ସେ ଭାରତର ଅଧିନାୟକ ହେବେ ।
ଶୁଭମନ ଗିଲ୍ ଏବେ ଜବରଦସ୍ତ ଲୟରେ ଚାଲୁଛନ୍ତି । ଇଂଲଣ୍ଡ ବିପକ୍ଷ ୩ମ୍ୟାଚର ଓ୍ବାନଡେ ମ୍ୟାଚରେ ଧୁଆଁଧାର୍ ପାଳି ଖେଳୁଥିବା ଗିଲଙ୍କ ବ୍ୟାଟ୍ ଚାମ୍ପିୟନ୍ସ ଟ୍ରଫି ୨୦୨୫ରେ ବି ଖୁବ୍ ଚାଲୁଛି । ବାଂଲାଦେଶ ବିପକ୍ଷରେ ଶତକ ଲଗାଇଥିବା ଗିଲ୍ ପାକିସ୍ତାନ ବିପକ୍ଷରେ ବି ବହୁତ ଭଲ ବ୍ୟାଟିଂ କରିବାରେ ସଫଳ ରହିଛନ୍ତି । କିନ୍ତୁ ସେ ପ୍ରାୟ ୪ରନରେ ତାଙ୍କ ଅର୍ଦ୍ଧଶତକ କରିବାରେ ଅଟକିଗଲେ ।
ଧଓ୍ବନ ଭାରତୀୟ କ୍ରିକେଟ କଣ୍ଟେ୍ରାଲ ବୋର୍ଡ଼ର ସେହି ନିଷ୍ପତ୍ତିକୁ ବି ପ୍ରଶଂସା କରିଛନ୍ତି । ଯେଉଁଥିରେ ଏହି ନିର୍ଣ୍ଣୟ ନିଆଯାଇଛି କି ଏବେ ସବୁ ଖେଳାଳୀଙ୍କ ଘରୋଇ କ୍ରିକେଟରେ ସୁନିଶ୍ଚିତ ରୂପରେ ଖେଳିବାକୁ ହେବ, ଯଦି ସେ ଆହତ ନାହାନ୍ତି ।
