ଭଦ୍ରକ,୨୯/୩: ଭଦ୍ରକର ସମସ୍ତ ମସଜିଦ ସହିତ ପୁରୁଣା ବଜାରସ୍ଥିତ ଜାମା ମସଜିଦରେ ମଧ୍ୟ "ଶବେକଦର ପର୍ବ' ତଥା "ଲଏଲତୁଲ କଦ୍ର' ପର୍ବ ପାଳିତ ହୋଇଯାଇଛି । ରମଜାନ ମାସର ୨୬ ରୋଜା (ଉପବାସ) ଓ ୨୭ ତରାୱୀ ନମାଜରେ ଶବେକଦର ପର୍ବ ପାଳନ କରାଯାଏ ଓ ଏହି ଶବେକଦରରେ ଇସଲାମ ଧର୍ମର ପବିତ୍ର "କୋରାନ" ନାଜିଲ ହୋଇଥିଲା । ଏହି ପର୍ବରେ ଭଦ୍ରକର ସମସ୍ତ ମସଜିଦ ଗୁଡିକ ରଙ୍ଗ ବେରଙ୍ଗର ଆଲୋକରେ ସଜା ଯାଇଥିଲା । ରମଜାନର ପ୍ରଥମ ତରାୱୀ ୨୭ ତରାୱୀ ନମାଜ ପର୍ଯ୍ୟନ୍ତ କୋରାନକୁ ମୁଖସ୍ତ କରିଥିବା ହାଫିଜମାନେ ତରାୱୀ ନମାଜ ପଢ଼ାନ୍ତି ଓ ୨୭ ତରାୱୀରେ ଲୋକେ ନିଜ ନିଜର ଦେୟ (ନଜରାନା)କୁ ମସଜିଦରେ ହାଫିଜ ଓ ମୌଜନଙ୍କୁ ଦେଇଥାନ୍ତି । ଏହି ଶବେକଦର ରାତ୍ରିରେ ଅନିଦ୍ରା ରହି ରାତ୍ରି ତମାମ ନମାଜ ପାଠ କରନ୍ତି । ଜାମା ମସଜିଦ ସରଜମିନ ରେ ମଧ୍ୟ "ଶବେକଦର" ପର୍ବ ଜାମା ମସଜିଦର ସଭାପତି ହାଜି କାସିମ ଖାନଙ୍କ ସଭାପତିତ୍ୱରେ ଓ ସଞ୍ଚାଳକ ଭାବେ ଶେଖ ମଇରାଜୁଦ୍ଦିନଙ୍କ ସଂଯୋଜନାରେ ଆରମ୍ଭ ହୋଇଥିଲା ।
ଏଥିରେ ମୁସଲିମ ଜମାତର ବରିଷ୍ଠ ସଭ୍ୟ ହାଜି ଅନୱର ହୋସେନ, ମୁସଲିମ ଜମାତର ସମ୍ପାଦକ ହାଜି ମୁକିତ ଖାନ, ଜାମା ମସଜିଦର ପୂର୍ବତନ ସଭାପତି ହାଜି ଏନାମ ମହମ୍ମଦ, ମସଜିଦ କମିଟିର ସଭାପତି, ସମ୍ପାଦକ ଶେଖ ହାଫିଜୁଲ୍ଲା ଏବଂ ବରିଷ୍ଠ ସଭ୍ୟମାନେ ମସଜିଦର ହାଫିଜ ଓ ମୌଜନଙ୍କୁ ମସଜିଦରେ ଉଠିଥିବା ଅର୍ଥରାଶିକୁ ଉପହାର ଦେଇଥିଲେ । ଏହି ତରାୱୀ ନମାଜରେ ଛୋଟ ଛୋଟ ୫ ଜଣ ପିଲାଙ୍କୁ ମିର୍ଜା ଜାୱେଦଙ୍କ ତରଫରୁ ଇମାମ ସାହେବଙ୍କ ହସ୍ତରେ ପ୍ରଦାନ କରାଯାଇଥିଲା । ଏହା ଛଡ଼ା କମିଟି ତରଫରୁ ମସଜିଦରେ ଅଏତେକାଫରେ ବସିଥିବା ୭ ଜଣଙ୍କୁ ଓ ମସଜିଦର ବର୍ଷ ସାରା ସଫେଇ କାର୍ଯ୍ୟ କରୁଥିବା ୨୦ ଜଣଙ୍କୁ ମଧ୍ୟ ଉପହାର ପ୍ରଦାନ କରାଯାଇଥିଲା ।
