ଭଦ୍ରକ,୩୦/୩ : ଭଦ୍ରକ ଜିଲ୍ଲାର ଐତିହାସିକ ଶ୍ରୀ ରାମ ନବମୀ ପାଇଁ ଆରମ୍ଭ ହେଲା କାର୍ଯକ୍ରମ। ମାର୍ଚ୍ଚ ୩୦ତାରିଖଠାରୁ ଏପ୍ରିଲ ୬ତାରିଖ ପର୍ଯ୍ୟନ୍ତ ବିଭିନ୍ନ କାର୍ଯକ୍ରମ ଆୟୋଜିତ କରୁଛି ଭଦ୍ରକ ଶ୍ରୀରାମ ମହାଯଜ୍ଞ ସମିତି । ପ୍ରତ୍ୟେକ ଦିନ ଗାନ୍ଧୀ ପଡିଆରେ ସାଂସ୍କୃତିକ କାର୍ଯ୍ୟକ୍ରମ ଆୟୋଜିତ ହେବ । ସାଧୁ ସନ୍ଥ ପୂଜନ ପରେ ବାଲ ବଜରଙ୍ଗିଙ୍କ ସାଇକେଲ ଶୋଭାଯାତ୍ରା ହେବ । ଏପ୍ରିଲ ୪ତାରିଖରେ ମାତୃଶକ୍ତିଙ୍କ କଳସ ଶୋଭାଯାତ୍ରା କାର୍ଯ୍ୟକ୍ରମ ରହିଛି ।
ଆଜ୍ଞାମାଳ ଯାତ୍ରା ସହ ଶ୍ରୀ ରାମ ମହାଯଜ୍ଞ ମଧ୍ୟ ଆରମ୍ଭ ହେବ । ୫ତାରିଖରେ ୧୦୮ ହନୁମାନ ଚାଳିଶା ପାଠ ହେବ । ଏପ୍ରିଲ ୬ତାରିଖ ଦିନ ବିଶାଳ ନଗର ସଙ୍କୀର୍ତ୍ତନ ଶୋଭାଯାତ୍ରା ଆୟୋଜିତ ହେବ। ଏହା ପୂର୍ବରୁ ଭଦ୍ରକ ପୋଲିସ ତରଫରୁ ଭଦ୍ରକରେ ପୋଲିସ ଫ୍ଲାଗମାର୍ଚ ହୋଇଛି । ଭଦ୍ରକ ସହର ସହ ପୁରୁଣା ବଜାର ଅଞ୍ଚଳରେ ମଧ୍ୟ ସିଆରପିଏଫ ସହ ପୋଲିସ ମିଲିତ ଭାବେ ଫ୍ଲାଗମାର୍ଚ୍ଚ କରିଛନ୍ତି । ଜନସାଧାରଣଙ୍କୁ ଶାନ୍ତି ଶୃଙ୍ଖଳାରେ ରାମ ନବମୀ ପାଳନ ପାଇଁ ପୋଲିସ ଅନୁରୋଧ କରିଛି ।
ସାମାଜିକ ଗଣମାଧ୍ୟମ ଉପରେ ମଧ୍ୟ ନଜର ରଖାଯାଇଛି । ଗୁଜବକୁ ବିଶ୍ୱାସ ନ କରିବା ପାଇଁ ଅନୁରୋଧ କରିଛି ପୋଲିସ । ତେବେ ଏବେ ପର୍ଯ୍ୟନ୍ତ ୨୦ ପ୍ଲାଟୁନ ପୋଲିସ, ଗୋଟିଏ କମ୍ପାନୀ ସିଆରପିଏଫ ପହଞ୍ଚି ସାରିଥିବାବେଳେ ଆହୁରି ୩ କଂପାନୀ ସିଆରପିଏଫ, ବିଏସଏଫ ଓ ରାପିଡ ଆକ୍ସନ ଫୋର୍ସ ମଧ୍ୟ ଆସିବେ ବୋଲି ଭଦ୍ରକ ଅତିରିକ୍ତ ଏସପି ।
