ଦାରିଙ୍ଗବାଡି ୦୧/୦୪: ସ୍ବାସ୍ଥ୍ୟ ପରୀକ୍ଷା ପାଇଁ ମେଡ଼ିକାଲ ଆସିଥିଲେ । ହେଲେ ଡାକ୍ତରଙ୍କୁ ପରାମର୍ଶ କରି ଆସିବା ଭିତରେ ବାଇକ୍ ଚୋରି କରି ନେଇଗଲେ ଚୋର । ସିସିଟିଭି କ୍ୟାମେରାରେ କଏଦ ହେଲା ବାଇକ୍ ଚୋରି ବେଳର ଦୃଶ୍ୟ। ଏଭଳି ଘଟଣା ଦାରିଙ୍ଗବାଡି ଥାନା ଅନ୍ତର୍ଗତ ଦାରିଙ୍ଗବାଡି ମେଡ଼ିକାଲ ଠାରେ ଦେଖିବାକୁ ମିଳିଛି।
ସୂଚନା ଅନୁଯାଇ, ଆଡବା ଥାନା ବିଥଲ ଗ୍ରାମର ମଜେଶ ବଡମାଝୀ ଦାରିଙ୍ଗବାଡି ସ୍ଥିତ ସାରିଙ୍ଗ୍ରିପି ନିଜ ଶଶୁର ଘରକୁ ବୁଲିବାକୁ ଆସିଥିଲେ। ଏହି ସମୟରେ ତାଙ୍କ ପୁଅ ଆୟୁଷ ବଡମାଝୀଙ୍କ ଦାନ୍ତ ବଥା ହେଉଥିଲା। ଆଜି ସକାଳ ୮ଟା ସମୟରେ ପୁଅକୁ ଧରି ଦାରିଙ୍ଗବାଡି ମେଡ଼ିକାଲକୁ ନିଜର ଆପାଚି ବାଇକ୍(ଓଡ଼ି ୦୭ ଏଡି ୨୬୩୫) ରେ ଯାଇଥିଲେ। ମେଡ଼ିକାଲ ମଧ୍ୟରେ ବାଇକ୍ ରଖି ଡାକ୍ତରଙ୍କ ପାଖକୁ ଯାଇଥିଲେ । ଡାକ୍ତରଙ୍କୁ ଦେଖାଇ ଆସିଲା ବେଳେ ବାଇକ୍ ଚୋରି ହୋଇଯାଇଥିଲା । ମେଡ଼ିକାଲ ସିସିଟିଭିରେ ବାଇକ୍ ଚୋରି କରିବା ଦୃଶ୍ୟ କଏଦ ହୋଇଥିବା ବେଳେ ଚୋର ଜଣଙ୍କ ମୁଣ୍ଡରେ ଟୋପି ପିନ୍ଧି ଥିବା ବେଳେ ମୁହଁରେ କଳା ମାସ୍କ ବ୍ୟବହାର କରିଛନ୍ତି ।
ବାଇକ୍ ରଖି ଯିବାର ମାତ୍ର ୩ ମିନିଟ ମଧ୍ୟରେ ବାଇକ୍ ଚୋରି କରି ନେଇଯାଇଥିଲେ। ଏନେଇ ଦାରିଙ୍ଗବାଡି ଥାନାରେ ଲିଖିତ ଅଭିଯୋଗ କରିଥିବା ମଜେଶ ବଡ଼ମାଝୀ। ପୁଲିସ ମାମଲା ରୁଜୁ କରି ତଦନ୍ତ କରୁଥିବା ଥାନା ଅଧିକାରୀ କନକ ମାଝୀ ସୂଚନା ଦେଇଛନ୍ତି । ବାଇକ୍ ଚୋରି କରିଥିବା ଚୋରକୁ ଯଥା ଶୀଘ୍ର ଗିରଫ କରିବା ସହ ବାଇକ୍ କିଭଳି ମିଳିପାରିବ ସେନେଇ ପୁଲିସ ଗୁରୁତ୍ବ ଦେଉ ବୋଲି ମଜେଶ ଦାବି କରିଛନ୍ତି ।
