ଚାନ୍ଦବାଲି,୩୦/୩ : ଦିନ ଥିଲା ଭଦ୍ରକ ଜିଲ୍ଲାର ପୁରାତନ ଚାନ୍ଦବାଲି ବନ୍ଦର ସମଗ୍ର ରାଜ୍ୟର ଆର୍ଥିକ ମାନଦଣ୍ଡର ମାଧ୍ୟମ ସାଜିଥିଲା । ମାତ୍ର ଏବେ ବନ୍ଦରର ରୂପରେଖ ସମ୍ପୂର୍ଣ୍ଣ ବଦଳି ଯାଇଛି । ଐତିହ୍ୟ ଚାନ୍ଦବାଲିକୁ ସମସ୍ତେ ଭୂଲି ଯାଇଛନ୍ତି । ଉନ୍ନବିଂଶ ଶତାଦ୍ଦୀର ଏକମାତ୍ର ବାଣିଜ୍ୟକ ପେଣ୍ଠସ୍ଥଳୀ ଚାନ୍ଦବାଲି ବନ୍ଦରର ବକାଶ ଦିଗରେ କେହି ଧ୍ୟାନ ଦେଉନାହାନ୍ତି । ମାତ୍ର କେବଳ ସ୍ମୃତି ବଞ୍ଚାଇ ରଖିବାକୁ ଚାନ୍ଦବାଲି ସଂସ୍କାର ପରିବାର ପକ୍ଷରୁ ପ୍ରାଚୀନ ଚାନ୍ଦବାଲି ବନ୍ଦରର ପ୍ରତିଷ୍ଠା ଦିବସ ଶୁକ୍ରବାର ପାଳିତ ହୋଇଯାଇଛି । ଆବାହକ ତାରାପଦ ମହାନ୍ତିଙ୍କ ନେତୃତ୍ୱରେ ଆୟୋଜିତ ସଭାରେ ଦୀପକ କୁମାର ସାହୁ, ସ୍ମୃତିରଞ୍ଜନ ଯତି, ଭାଗୀରଥି ଦାଶ ପ୍ରମୁଖ ଶାସ୍ତ୍ରୀଘାଟଠାରେ ବୈତରଣୀ ନଦୀ ବନ୍ଧାପନା କରିଥିଲେ । ସକାଳ ୧୦ଟା ବେଳେ ଅଶୋକ କୁମାର ପଣ୍ଡାଙ୍କ ସଂଯୋଜନାରେ ମତୋ କଲ୍ୟାଣ ମଣ୍ଡପରେ ବହିତ୍ର ବନ୍ଧିତ ରମ୍ୟ ଚାନ୍ଦବାଲି ଶୀର୍ଷକ ଆଲୋଚନାଚକ୍ର ଅନୁଷ୍ଠିତ ହୋଇଥିଲା । ଶିକ୍ଷାବିତ ସାଧୁ ଚରଣ ନାୟକଙ୍କ ସଭାପତିତ୍ୱରେ ଆୟୋଜିତ କାର୍ଯ୍ୟକ୍ରମରେ ମତୋ ସ୍ନାତକ ମହାବିଦ୍ୟାଳୟର ଅଧ୍ୟକ୍ଷ ବିଭୂତି ବିଶ୍ୱାଳ, ସମାଜସେବୀ ସୁକାନ୍ତ ଦାସ, ଯୁବନେତା ମଙ୍ଗୁଳି ଚରଣ ବେହେରା, ଅବସରପ୍ରାପ୍ତ କର୍ମଚାରୀ ରମେଶ ଚନ୍ଦ୍ର ସାମଲ, କବି ମନୋଜ କୁମାର ଭୋଳ, ଶିକ୍ଷାବିତ ରବୀନ୍ଦ୍ର କୁମାର ରଣା, ଅବସରପ୍ରାପ୍ତ ସେନା କର୍ମଚାରୀ ପୁର୍ଣ୍ଣଚନ୍ଦ୍ର ପଣ୍ଡା, ବାମପନ୍ଥୀ ନେତା ବେଣୁଧର ନାୟକ ଓ ବ୍ରହ୍ମାନନ୍ଦ ପରିଡ଼ା, ଅବସରପ୍ରାପ୍ତ ଏବିଇଓ ଜୟକୃଷ୍ଣ ନାୟକ, ଶିକ୍ଷକ ଅମୂଲ୍ୟ କୁମାର ରାଉତ ପ୍ରମୁଖ ଅଂଶଗ୍ରହଣ କରି ସୁଚିନ୍ତିତ ମତାମତ ରଖିଥିଲେ ।
ଏଥିରେ ସ୍ଥାନୀୟ କଲେଜର ଛାତ୍ରଛାତ୍ରୀ ଓ ବୁଦ୍ଧିଜୀବୀ ଉପସ୍ଥିତ ଥିଲେ । ୧୮୬୬ ମସିହାର ନଅଙ୍କ ଦୁଭି ର୍କ୍ଷର ପରବର୍ତୀ ସମୟରେ ଏହି ବନ୍ଦର ପ୍ରତିଷ୍ଠା ହୋଇଥିବାବେଳେ ୧୮୮୧ ମସିହା ମାର୍ଚ୍ଚ ୨୮ ତାରିଖରେ ଏହାକୁ ଇଂରେଜ ସରକାର ସ୍ୱୀକୃତି ଦେଇଥିଲେ । କେତେକ କାରଣ ପାଇଁ ଏହା ୧୯୬୦ ଦେଶକରେ ବନ୍ଦ ହୋଇଯାଇଥିଲା । ଫଳରେ ଚାନ୍ଦବାଲି ସମେତ ରାଜ୍ୟରେ ଅର୍ଥନୀତି ପ୍ରଭାବିତ ହୋଇଥିଲା । ବନ୍ଦରର ସ୍ମୃତି ସନ୍ତକକୁ ନେଇ ଏକ ସଂଗ୍ରହାଳୟ ପ୍ରତିଷ୍ଠା ନେଇ ୨୦୨୧ ମସିହାରେ ସରକାରୀ ମଞ୍ଜୁରୀ ମିଳିଥିଲେ ମଧ୍ୟ ଅଦ୍ୟାବଧି ଏହା କାର୍ଯ୍ୟକାରୀ ହୋଇନାହିଁ । ସରକାର ଏଦିଗରେ ଧ୍ୟାନ ଦେବାକୁ ଦାବି ହେଉଛି ।
