ଉଦଳା,୧୪/୧୦: କବାଟ ତାଲା ଭାଙ୍ଗି ଘରେ ପଶିଲେ । ଶୁଖୁଥିବା ଶାଢ଼ୀକୁ ନିଜେ ଢାଙ୍କି ହୋଇ ଘର ଭିତରକୁ ଗଲେ । ବାଡ଼ିରେ ଶାଢୀକୁ ସିସିଟିଭିରେ ଢାଙ୍କି ଘରେ କଳାକନା ବୁଲାଇଲେ । ଘରର ଆଲମାରୀ ଭାଙ୍ଗି ସେଥିରେ ଥିବା ନଗଦ ଟଙ୍କା ସହିତ ଲକ୍ଷାଧିକ ଟଙ୍କାର ସୁନା ଅଳଙ୍କାର ଲୁଟିନେଲେ ଦୁର୍ବୃତ୍ତ । ମୟୂରଭଞ୍ଜ ଜିଲ୍ଲା ଉଦଳା ଥାନା ଏନଏସି ୪ ନମ୍ବର ୱାର୍ଡର ଶିକ୍ଷକ ଦୈତାରୀ ବିନ୍ଧାଣୀଙ୍କ ଘରୁ ଏହି ଲୁଟ୍ ହୋଇଛି ।
ସୂଚନା ମୁତାବକ, ଦୈତାରୀ ବିନ୍ଧାଣୀ ମେଡିକାଲ କାମରେ ବାଲେଶ୍ୱର ଯାଇଥିଲେ । ସେଠାରୁ ଫେରି ସୋମବାର ସକାଳେ ଘରେ ପହଞ୍ଚି ଥିଲେ । ଘରେ ପହଞ୍ଚିବା ପରେ ଘରୁ ଲୁଟ ହୋଇଥିବା ଜାଣିବାକୁ ପାଇଥିଲେ । ଲୁଟେରାମାନେ ଘର ମୁଖ୍ୟ କବାଟ ତାଲା ଭାଙ୍ଗି ଘରେ ପଶିଛନ୍ତି । ସେଠାରେ ସୁଖୁଥିବା ଶାଢିକୁ ନିଜେ ଢାଙ୍କି ହୋଇ ଘର ଭିତରକୁ ପଶିଲେ । ପରେ ଉକ୍ତ ଶାଢୀକୁ ସିସିଟିଭିରେ ଢାଙ୍କି ଏଭଳି କାଣ୍ଡ କରିଛନ୍ତି ଦୁର୍ବୃତ୍ତ । ଘର ଭିତରେ ଥିବା ଆଲମାରୀ ଭାଙ୍ଗି ସେଥିରେ ଥିବା ନଗଦ ଟଙ୍କା ସହିତ ଲକ୍ଷାଧିକ ଟଙ୍କାର ସୁନା ଅଳଙ୍କାର ଲୁଟିନେଇଛନ୍ତି । ଏହା ସହିତ ଘର ବାହାରେ ଥିବା ଗୋଟିଏ ସିସିଟିଭି ଭାଙ୍ଗିବା ସହିତ ଦୁଇ ଗୋଟି ସିସିଟିଭି ବୁଲାଇ ଦେଇଛନ୍ତି । ଘରୁ ଚୋରି ହେଇଥିବା ଜାଣି ଦୈତାରୀ ଉଦଳା ପୋଲିସକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ଘଟଣାର ତଦନ୍ତ ଚଳାଇଛି ।
