ଉଦଳା, ୧୬/୧୨ : କପ୍ତିପଦା ବନାଞ୍ଚଳ ମହିଷାସୁରି ଗ୍ରାମରେ ବାଘ ଆତଙ୍କ। ଗାଁ ନଦୀ ପଠାରେ ପଡିଛି ବାଘର ପାଦଚିହ୍ନ। ୨୦ରୁ ଅଧିକ ସ୍ଥାନରେ ପାଦ ଚିହ୍ନ ପଡିଛି। ଯାହାଫଳରେ ଗ୍ରାମବାସୀମାନେ ଆତଙ୍କିତ ଅବସ୍ଥାରେ ଅଛନ୍ତି।
ସୂଚନାନୁଯାୟୀ, ସୋମବାର ସକାଳେ ମହିଷାସୁରି ଗାଁ ଲୋକେ ନଦୀକୁ ଯିବାବେଳେ ନଦୀ ପଠାରେ ପ୍ରାୟ ୨୦ରୁ ଅଧିକ ସ୍ଥାନରେ ବାଘ ପାଦ ଚିହ୍ନ ପଡ଼ିଥିବା ଦେଖିବାକୁ ପାଇଥିଲେ। ଏହାକୁ ନେଇ ବନ ବିଭାଗକୁ ଖବର ଦେଇଥିଲେ। ବନ ବିଭାଗ ଘଟଣାସ୍ଥଳରେ ପହଞ୍ଚି ଏହା ବାଘର ପାଦ ଚିହ୍ନ ବୋଲି କହିଛି। ଏହାପରେ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳିଯାଇଛି। ଅନ୍ୟପଟେ ଗତକାଲି ରାତିରେ ବହୁ ସମୟ ଧରି କୁକୁର ଭୁକୁଥିବା ଶୁଣିବାକୁ ମିଳିଥଲା। ତେଣୁ ଗାଁକୁ ବାଘ ଆସିଥିବା ଗ୍ରାମବାସୀମାନେ ସନ୍ଦେହ କରୁଛନ୍ତି। ଏକ ବଡ଼ ବାଘର ପାଦଚିହ୍ନ ହୋଇଥିବା ଗ୍ରାମବାସୀ ସନ୍ଦେହ କରୁଛନ୍ତି।
