ପୁରୀ, ୨୧/୧୨ : କାର୍ରୁ ୩୭୮ ଗ୍ରାମର ହେରୋଇନ୍ ଜବତ। ପିପିଲି ଥାନା ଅନ୍ତର୍ଗତ ନିମାପଡ଼ା ବାଇପାସ୍ ଛକରୁ ଏକ ମାରୁତି ସୁଜୁକି କାର୍ରୁ ହେରୋଇନ୍ ଜବତ ହୋଇଛି। ଏହି ଘଟଣାରେ ୩ ଜଣଙ୍କୁ ଗିରଫ କରାଯାଇଛି।
ସୂଚନାନୁଯାୟୀ, ଶୁକ୍ରବାର ରାତିରେ ନିମାପଡ଼ା ବାଇପାସ୍ ଛକରେ ଜିଲ୍ଲା ମୋବାଇଲ୍ ୟୁନିଟ୍ ଏକ ମାରୁତି ସୁଜୁକି କାର୍ରୁ ୩୭୮ ଗ୍ରାମର ହେରୋଇନ୍ ଜବତ କରିଥିଲା। ଏହା ସହ କାର୍ ଭିତରେ ଥିବା ୨ ଜଣଙ୍କୁ ଗିରଫ କରିଥିଲା। ୨ ଯୁବକଙ୍କୁ ପଚରାଉଚରା ବେଳେ କାର୍ ମାଲିକ ଏହି ରାକେଟ୍ର କିଙ୍ଗପିନ୍ ବୋଲି ଜଣାପଡ଼ିଥିଲା। ସେମାନଙ୍କ ତଥ୍ୟକୁ ଆଧାର କରି ପୋଲିସ କାର୍ ମାଲିକଙ୍କୁ ଗିରଫ କରିଛି। ୩ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି। କାର୍ ସମେତ ୩ଟି ମୋବାଇଲ୍ ଫୋନ ଜବତ ହୋଇଛି।
