ଭୁବନେଶ୍ୱର,୦୮/୦୨: ବାଲେଶ୍ଵର ଜିଲ୍ଲା ନୀଳଗିରି ବ୍ଲକ ଅଧିନ ଛତ୍ରପୁର ସେବା ସମବାୟ ସମିତିରେ ଧାନ କିଣାରେ ଅବ୍ୟବସ୍ଥା ନେଇ ଚାଷୀମାନେ ରାଜପଥ ଅବରୋଧ କରି ପ୍ରତିବାଦ କରିଛନ୍ତି । ସେରଗଡ଼ ଝରଣାଘାଟି ରାଜ୍ୟପଥ ଛତ୍ରପୁର ଠାରେ ଚାଷୀମାନେ ରାସ୍ତାରୋକ କରି ପ୍ରତିବାଦ ଜଣାଇଛନ୍ତି । ଫଳରେ ଯାନ ବାହନ ଚଳାଚଳ ବ୍ୟାଘାତ ହୋଇଛି । ସେବା ସମବାୟ ସମିତିର ମନମୁଖୀ କାମ ଓ ମନ ଇଚ୍ଛା କଟନି ଛଟନି କରୁଥିବାରୁ ଏଭଳି ପ୍ରତିବାଦ କରିଥିବା ଚାଷୀମାନେ କହିଛନ୍ତି ।
ସେହିପରି ପୁର୍ବତନ ବିଧାୟକ ସୁକାନ୍ତ ନାୟକ ପହଞ୍ଚି ଘଟଣାର କାର୍ଯ୍ୟନୁଷ୍ଠାନ ପାଇଁ ଦାବି କରିଥିଲେ । ଏନେଇ ଖବର ପାଇବା ପରେ ଧାରଣା ଦିଆଯାଉଥିବା ସ୍ଥାନରେ ପହଞ୍ଚିଥିଲେ ଯୋଗାଣ ବିଭାଗ ଅଧିକାରୀ । ସେଠାରେ ପହଞ୍ଚି ଦୁର୍ନୀତି ହୋଇଥିଲେ କାର୍ଯ୍ୟାନୁଷ୍ଠାନ ହେବ ବୋଲି ପ୍ରତିଶ୍ରୁତି ଦେବାପରେ ଧାରଣା ପ୍ରତ୍ୟାହାର ହୋଇଥିଲା।
