ନୀଳଗିରି,୧୯/୨ :ପରକୀୟା ପ୍ରୀତିର କରୁଣ ପରିଣତି । ମାଆକୁ ଠେଙ୍ଗାରେ ପିଟି ପିଟି ମାରିଦେଲା ପୁଅ । ଶବକୁ ତିନି ଘଣ୍ଟା ଜଗି ରହିଲା । ଏଭଳି ଲୋମ ଟାଙ୍କୁରା ଦୃଶ୍ୟ ଦେଖି ଗ୍ରାମବାସୀ ହତବାକ ହୋଇ ଉଠିଥିଲେ। ଏଭଳି ଏକ ଅଭାବନୀୟ ଘଟଣା ଘଟିଛି ବାଘମରା ଗାଁ ଗ୍ରାମରେ । ସୂଚନାଯୋଗ୍ୟ ବାଲେଶ୍ୱର ଜିଲ୍ଲା ନୀଳଗିରି ଥାନା ଜାମୁଡିହା ପଞ୍ଚାୟତ ବାଘମରା ଗ୍ରାମର ସ୍ବର୍ଗତ ବାବାଜୀ ସିଂଙ୍କ ସ୍ତ୍ରୀ ଶଙ୍କି ସିଂ(୪୮)ଙ୍କର ବଡ଼ପୁଅ ବୈଦ୍ୟନାଥ ସିଂ (୨୭) ଓ଼ ସାନ ପୁଅ ଦୁର୍ଗା ସିଂ (୨୫) । ମା ବିଧବା ହୋଇଥିବା ବେଳେ ଆଜି ସାନପୁଅ ହଠାତ ଘରକୁ ଅପରାହ୍ନ ପ୍ରାୟ ୫ ଘଟିକା ସମୟରେ ଆସି ପହଞ୍ଚିଲା ବେଳକୁ ମାଆର ଅନୈତିକ ସମ୍ପର୍କକୁ ସାମ୍ନାରେ ଦେଖି ଉତ୍ୟକ୍ତ ହୋଇ ଉଠିଥିଲେ । ହଠାତ ରାଗି ଏକ କାଠ ଫାଳିଆରେ ଗୋଡ଼ାଇ ଗୋଡ଼ାଇ ପିଟିଥିଲେ। ପଡୋଶୀ ସୋମବାରୀ ସିଂ ତାଙ୍କୁ ଅଟକାଇ ଥିଲେ ମଧ୍ୟ ସେ ମାନି ନଥିଲେ। ଶଙ୍କି ସିଂ ଚେତାଶୂନ୍ୟ ହୋଇ ପଡିଯିବା ପରେ ସୋମବାରୀ ପାଣି ଆଣି ତାଙ୍କ ମୁହଁରେ ଦେଇଥିଲେ। ସେତେବେଳକୁ ତାଙ୍କର ପ୍ରଣବାୟୁ ଉଡ଼ିଯାଇଥିଲା । ତାପରେ ଉତ୍ୟକ୍ତ ଦୁର୍ଗା ମାଆର ଶବ ପାଖରେ ପ୍ରାୟ ତିନି ଘଣ୍ଟା ଜଗି ରହିଥିଲା । ଅନ୍ୟ ପଟେ ଅନୈତିକ ସମ୍ପର୍କ ରଖିଥିବା ଉକ୍ତ ଗ୍ରାମର ବାୟା ସିଂ ଘଟଣା ସ୍ଥଳରୁ ଫେରାର ହୋଇ ଯାଇଥିଲା। ଖବର ପାଇ ନୀଳଗିରି ଏସଡିପିଓ ପ୍ରମୋଦ ମଲ୍ଲିକ, ଆଇଆଇସି ଦାୟିତ୍ୱରେ ଥିବା ସୁବର୍ଣ୍ଣ ବେହେରା ଓ ପୋଲିସ ଫୋର୍ସ  ଘଟଣା ସ୍ଥଳରୁ ପୁଅ ଦୁର୍ଗାକୁ କାବୁ କରି ଗିରଫ କରିବା ସହ ନୀଳଗିରି ଥାନାରେ ରଖିଛି । ବ୍ୟବହୃତ ଠେଙ୍ଗାକୁ ପୋଲିସ ଜବତ କରିବା ସହ ଗାଁରେ ପଚରା ଉଚୁରା କରୁଛି। ଏନେଇ ୬୪/୨୦୨୫ ମାମଲା ରୁଜୁ କରି ମୃତ ଦେହକୁ ବ୍ୟବଚ୍ଛେଦ ପାଇଁ ନୀଳଗିରି ଉପଖଣ୍ଡ ଡାକ୍ତରଖାନାକୁ ପଠାଇଥିବା ଜଣାପଡିଛି । ଗୁରୁବାର ସାଇଣ୍ଟିଫିକ ଟିମ ତଦନ୍ତ କରିବ ବୋଲି ଏସଡିପିଓ ସୂଚନା ଦେଇଥିବା ବେଳେ ଗାଁରେ ପୋଲିସ ଫୋର୍ସ ମୃତୟନ ହୋଇଛନ୍ତି ।