ଦାରିଙ୍ଗବାଡ଼ି,୨୧/୨ : ବର୍ତ୍ତମାନ ଯୁଗରେ ନୂଆଁ ନୂଆଁ ଜୀବନ ଶୈଳୀ ଲୋକଙ୍କ ପାଇଁ ଆଣି ଦେଇଛି ଅନେକ କିଛି ଶାରୀରିକ ଅସୁସ୍ଥତା । ଫଳରେ ଅନେକ ରୋଗରେ ଆକ୍ରାନ୍ତ ହେଉଛନ୍ତି ଲୋକେ । ଅଧିକାଂଶ ଲୋକେ ବର୍ତ୍ତମାନ ମଧୁମେହ, ରକ୍ତ ଚାପ, ମେଧ ବହୁଳତା, ଫ୍ୟାଟି ଲିଭର, କ୍ୟାନସର ଭଳି ରୋଗରେ ପୀଡ଼ିତ ହେଉଛନ୍ତି ।
ଆଉ ଏହି ରୋଗର ଟିକିଏ ତ୍ରାହି ପାଇବା ପାଇଁ ହେଉ ଅବା ନିରୋଗ ରହିବା ପାଇଁ ଲୋକେ ବର୍ତ୍ତମାନ ଯୋଗକୁ ଆପଣାଇ ନେଇଛନ୍ତି । ଯୋଗ ହିଁ ନିରୋଗର ଏକ ବଡ଼ ମାଧ୍ୟମ ସାଜିଛି । ଆଉ ଏହି ଯୋଗକୁ ଆପଣାଇଛନ୍ତି ଦାରିଙ୍ଗବାଡିର କିଛି ଲୋକ । ସକାଳ ହୋଇଗଲେ କଲେଜ ପଡ଼ିଆରେ ଜମେ ଲୋକଙ୍କ ଭିଡ଼ । ଏହାରି ମଧ୍ୟରେ କିଛି ଲୋକ ଦୌଡ଼ା ଦୌଡ଼ି କରି ଥାଆନ୍ତି ତ ଆଉ କିଛି ଯୋଗରେ ମଗ୍ନ ଥାଆନ୍ତି । ଯୋଗ ଗୁରୁ ସୂର୍ଯ୍ୟ ନାରାୟଣ ସାହୁ ଲୋକଙ୍କୁ ନିରୋଗ ରହିବା ଯୋଗ ଶିକ୍ଷା ଦିଅନ୍ତି । କେଉଁ ରୋଗକୁ କେଉଁ ଯୋଗ ରହିଛି ତାହା ବୁଝାଇବା ସହ ସେସବୁ ଯୋଗ କରିବାକୁ କହନ୍ତି ଯୋଗ ଗୁରୁ।
