ନୀଳଗିରି,୨୦/୨: ନୀଳଗିରି ବ୍ଲକ ପରିସରରେ ଉଠିଲା କଳା ଧୂଆଁ । ବ୍ଲକ ପରିସରରେ ଲାଗି ଥିବା ୧୫ କେବିର ସୋଲାର ବ୍ୟାଟେରୀରେ ସର୍ଟ ସର୍କିଟ ହେବାରୁ କେବୁଲ ତାରରେ ଲାଗିଲା ନିଆଁ । ଘଟଣାସ୍ଥଳରେ ନିଆଁକୁ ଆୟତ୍ତ କରିଛି ଅଗ୍ନିଶମ ବାହିନୀ । ବାଲେଶ୍ୱର ଜିଲ୍ଲା ନୀଳଗିରି ବ୍ଲକରେ ଏଭଳି ଘଟଣା ଘଟିଥିବାର ଖବର ସାମ୍ନାକୁ ଆସିଛି ।
ସୂଚନା ମୁତାବକ, ନୀଳଗିରି ବ୍ଲକ ପରିସରରେ ଲାଗି ଥିବା ୧୫ କେବିର ସୋଲାର ବ୍ୟାଟେରୀରେ ସର୍ଟ୍ ସର୍କିଟ୍ ହୋଇଥିଲା । ସର୍ଟ୍ ସର୍କିଟ୍ ହେବାରୁ କେବୁଲ ତାରରେ ନିଆଁ ଲାଗି ଯାଇଥିଲା । ଏହା ଦେଖି ସ୍ଥାନୀୟଲୋକେ ତୁରନ୍ତ ଅଗ୍ନିଶମ ବାହିନୀକୁ ଖବର ଦେଇଥିଲେ । ଖବର ପାଇ ନୀଳଗିରି ଅଗ୍ନିଶମ ବାହିନୀ ଆସି ନିଆଁକୁ ଆୟତ୍ତ କରି ସହ ବଡ଼ ଧରଣର ବିପଦରୁ ମୁକୁଳାଇ ଥିଲା । ନିଆଁ ଲାଗିବ କାରଣରୁ କର୍ମଚାରୀ ଓ ହିତାଧିକାରୀ ମାନେ ଆସି ବାହାରେ ଅନେକ ସମୟ ଛିଡ଼ା ହୋଇଥିବା ଦେଖାଯାଇଛି।
