ନୀଳଗିରି/ଖନ୍ତାପଡା ,୨୦/୦୨: ଥମୁନି ବେଆଇନ ଗୋ ଚାଲାଣ । ବାଲେଶ୍ୱର ଜିଲ୍ଲା ଜାତୀୟ ରାଜପଥ ଶେରଗଡ଼ ଟୋଲ ଗେଟ ଦେଇ ଗୋ-ଚାଲାଣ ସମୟରେ ଧରିଲା ପୋଲିସ । ଟାଟା ୧୦୯ ଏକ୍ସ ଟର୍ବୋ ଗାଡ଼ିରେ ପାଖାପାଖି ୪୦ ଗୋବଂଶ ଓ ପିକଅପରେ ପାଖାପାଖି ୧୦ ଗୋବଂଶ ବେଆଇନ ଭାବେ ଚାଲାଣ ହେଉଥିଲା ।
ଏହା ମଧ୍ୟ ପଢନ୍ତୁ- ପାଣି ପାଇଁ ସାହି ଅଶାନ୍ତ, ସକାଳ ହେଲେ ଝଗଡ଼ା ହେଉଛନ୍ତି ମହିଳା
ଏନେଇ ସୂଚନା ପାଇ ଗୋ ସୁରକ୍ଷା ବାହିନୀ ଆଜି ଭୋର ସମୟରେ ଅଟକ ରଖିଥିଲେ।ପରେ ଖବର ପାଇ ଖନ୍ତାପଡ଼ା ପୋଲିସ ଘଟଣା ସ୍ଥଳରେ ପହଞ୍ଚି ଗାଡି ଗୁଡିକୁ ଜବତ କରି ତଦନ୍ତ ଜାରି ରଖିଛି। ଡ୍ରାଇଭର ଓ ଅନ୍ୟମାନେ ଘଟଣା ସ୍ଥଳରୁ ଫେରାର ହୋଇଥିବା ସୂଚନା ମିଳିଛି । ତେବେ ବାରମ୍ବାର ଏଭଳି ଗୋଚାଲାଣ ହେଉଥିବାରୁ ଏନେଇ ପୋଲିସର ଭୂମିକା ଉପରେ ପ୍ରଶ୍ନ ଉଠିଛି।
