ମୁମ୍ବାଇ ୩୦/୧୧: ମଣିପୁରୀ ପରମ୍ପରା ଅନୁସାରେ ବିବାହ ବନ୍ଧନରେ ବାନ୍ଧି ହୋଇଛନ୍ତି ଅଭିନେତା ରଣଦୀପ ହୁଡ୍ଡା ଓ ଅଭିନେତ୍ରୀ ଲିନ୍ ଲୈଶରାମ । ମଣିପୁରର ଇମ୍ଫାଲଠାରେ ପରିବାର ଓ ବନ୍ଧୁବର୍ଗଙ୍କ ଉପସ୍ଥିତିରେ ଉଭୟଙ୍କର ବିବାହ ବିଧି ଅନୁଷ୍ଠିତ ହୋଇଛି । ଲିନ୍ ମଣିପୁରୀ ବିବାହ ପୋଷାକରେ ନଜର ଆସିଥିଲେ । ରଣଦୀପ ମଧ୍ୟ ମଣିପୁରୀ ପରମ୍ପରା ଅନୁସାରେ ଧଳା ରଙ୍ଗର ପୋଷାକ ପିନ୍ଧି ବର ବେଶ ହୋଇଥିଲେ । ଉଭୟଙ୍କ ବିବାହ ବିଧିର ଫଟୋ ଓ ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି ।
କନ୍ୟା ପକ୍ଷର ପରମ୍ପରା ଅନୁସାରେ ବିବାହ କରିବା ସମ୍ମାନଜନକ ବୋଲି ରଣଦୀପ ନିକଟରେ କହିଥିଲେ । ନିଜ ଜୀବନସାଥୀର ପରମ୍ପରାର ଅନୁଭବ ସାଉଁଟିବାକୁ ସେ ଚାହାନ୍ତି, ସେଥିପାଇଁ ମଣିପୁରରେ ବିବାହ କରିବାକୁ ନିଷ୍ପତ୍ତି ନେଲେ ବୋଲି ସେ କହିଥିଲେ । ଗତ ୪ ବର୍ଷ ହେଲା ନିଜଠୁ ୧୦ ବର୍ଷ ସାନ ଲିନ୍ଙ୍କ ସହ ସେ ପ୍ରେମ ସମ୍ପର୍କରେ ଥିଲେ ।
