ପ୍ୟାରିସ,୦୬/୦୬: ଜୁଲାଇ ମାସ ୨୬ ତାରିଖରୁ ଆରମ୍ଭ ହେବ ପ୍ୟାରିସ ଅଲିମ୍ପିକ୍ସ । ପ୍ରଥମ ଥର ଷ୍ଟାଡିୟମ ପରିବର୍ତ୍ତେ ନଦୀରେ ଆୟୋଜିତ ହେବ ଉଦ୍ଘାଟନୀ ଉତ୍ସବ । ଏନେଇ ପ୍ରସ୍ତୁତି ଏକ ପ୍ରକାଶ ଶେଷ ହୋଇଛି । ପାଣିପାଗ ଖରାପ ରହିବାରୁ ଗତ ୨୭ ତାରିଖରେ ହେବାକୁ ଥିବା ଉଦ୍ଘାଟନୀ ଉତ୍ସବର ରିହାଲସଲକୁ ସ୍ଥଗିତ ରଖାଯାଇଥିଲା । ସେମିତି ପୂର୍ବରୁ ଏପ୍ରିଲ ୮ ତାରିଖରେ ଏହି କାର୍ଯ୍ୟକ୍ରମ ଆୟୋଜନ ନେଇ ଯୋଜନା ରହିଥିଲା, ତାହା ବି ଶେଷ ମୁହୂର୍ତ୍ତରେ ବାତିଲ କରାଯାଇଥିଲା ।
ଅଲିମ୍ପିକ୍ସ ଆୟୋଜନ କମିଟିର ଜଣେ ଅଧିକାରୀ କହିଛନ୍ତି, ‘ପାଣିପାଗ ଠିକ୍ ରହିଲେ ରିହାଲସନ କରାଯିବ । ପୂର୍ବରୁ ୨ ଥର ଏଥିପାଇଁ ପ୍ରସ୍ତୁତ ହୋଇ ଶେଷ ମୁହୂର୍ତ୍ତରେ କାର୍ଯ୍ୟକ୍ରମକୁ ବାତିଲ କରାଯାଇଛି ।’ ଅଲିମ୍ପିକ୍ସ ଜୁଲାଇ ୨୬ରୁ ଆରମ୍ଭ ହୋଇ ଅଗଷ୍ଟ ୧୧ ତାରିଖରେ ଶେଷ ହେବ । ୧୦ ହଜାରରୁ ଊଦ୍ଧ୍ୱର୍ କ୍ରୀଡ଼ାବିତ ଭାଗ ନେବେ । ମଧ୍ୟପ୍ରାଚ୍ୟରେ ପରିବେଶ ଅଶାନ୍ତ ରହିଥିବାରୁ ଅଲିମ୍ପିକ୍ସରେ ସୁରକ୍ଷା ସମସ୍ୟା ଦେଖା ଦେଲେ ନଦୀ ପରିବର୍ତ୍ତେ ଉଦ୍ଘାଟନୀ ଉତ୍ସବ କୌଣସି ଷ୍ଟାଡିୟମରେ ଆୟୋଜନ କରାଯିବ ବୋଲି ପୂର୍ବରୁ ଫ୍ରାନ୍ସ ରାଷ୍ଟ୍ରପତି ଇମାନୁଏଲ ମାକ୍ରନ ପୂର୍ବରୁ ସୂଚନା ଦେଇଥିଲେ
