ଇସଲାମାବାଦ,୧୧।୩: ପାକିସ୍ତାନରେ ଆତଙ୍କବାଦୀଙ୍କ ଟ୍ରେନ୍  ହାଇଜାକ। ଅପହରଣ ନେଇ  ବାଲୁଚ୍ ଲିବରେସନ୍ ଆର୍ମି ନାମକ ଏକ ସଂଗଠନ ଦାବି କରିଛି। ବୋଲାନରେ ଜାଫର ଏକ୍ସପ୍ରେସକୁ ଅପହରଣ କରିଛି ଏବଂ ୧୦୦ରୁ ଅଧିକଙ୍କୁ ବନ୍ଧକ ରଖିଛନ୍ତି ଆତଙ୍କବାଦୀ। BLA ଚେତାବନୀ ଦେଇଛି ଯେ ଯଦି ସେମାନଙ୍କ ବିରୁଦ୍ଧରେ କୌଣସି ସାମରିକ କାର୍ଯ୍ୟାନୁଷ୍ଠାନ ନିଆଯାଏ, ତେବେ ସେମାନେ ସମସ୍ତ ଯାତ୍ରୀଙ୍କୁ ହତ୍ୟା କରିବେ। ଆତଙ୍କବାଦୀଙ୍କ ସହ ଗୁଳିବିନିମୟରେ ଏପର୍ଯ୍ୟନ୍ତ ୬ ଜଣ ସୈନିକଙ୍କ ମୃତ୍ୟୁ ହୋଇଛି। ଏହାଛଡା ଟ୍ରେନ୍ ଚାଳକଙ୍କ ଆତଙ୍କୀଙ୍କ ଗୁଳିରେ ଗୁରୁତର ହୋଇଛନ୍ତି। ପାକିସ୍ତାନୀ ଗଣମାଧ୍ୟମ ଅନୁସାରେ, ଟ୍ରେନରେ ୪୫୦ ଜଣ ଯାତ୍ରୀ ଥିଲେ। ଟ୍ରେନଟି କ୍ବେଟାରୁ ପେଶାଓ୍ବର ଅଭିମୁଖେ ଯାତ୍ରା କରୁଥିଲା। 

ବନ୍ଧକମାନଙ୍କ ମଧ୍ୟରେ ପାକିସ୍ତାନ ସେନା, ପୋଲିସ, ଆତଙ୍କବାଦ ବିରୋଧୀ ବାହିନୀ (ATF) ଏବଂ ଇଣ୍ଟର-ସର୍ଭିସେସ୍ ଇଣ୍ଟେଲିଜେନ୍ସ (ISI)ର ସକ୍ରିୟ କର୍ତ୍ତବ୍ୟରତ କର୍ମଚାରୀ ରହିଛନ୍ତି। ସେମାନେ ସମସ୍ତେ ଛୁଟିରେ ପଞ୍ଜାବ ଯାଉଥିଲେ। BLA ଚେତାବନୀ ଦେଇଛି  ଯଦି ଟ୍ରେନରେ ଉପସ୍ଥିତ ସୈନିକମାନେ କୌଣସି କାର୍ଯ୍ୟାନୁଷ୍ଠାନ ନେବାକୁ ଚେଷ୍ଟା କରନ୍ତି, ତେବେ ସମସ୍ତ ବନ୍ଧକଙ୍କୁ ହତ୍ୟା କରାଯିବ। ଅପରେସନ୍ ସମୟରେ BLA ଆତଙ୍କବାଦୀମାନେ ମହିଳା ଏବଂ ପିଲାମାନଙ୍କୁ ମୁକ୍ତ କରିଦେଇଛନ୍ତି।, ସୂଚନା ଅନୁଯାୟୀ, BLAର ଆତ୍ମଘାତୀ ୟୁନିଟ୍, ମାଜିଦ୍ ବ୍ରିଗେଡ୍, ଏହି ମିଶନର ନେତୃତ୍ୱ ନେଉଛି, ଯେଉଁଥିରେ ଫତେହ ସ୍କ୍ୱାଡ୍, STOS ଏବଂ ଗୁପ୍ତଚର ୱିଙ୍ଗ ଜିରାବ ଅନ୍ତର୍ଭୁକ୍ତ।

କିଛି ଦିନ ପୂର୍ବରୁ BLA ପାକିସ୍ତାନ ଓ ଚୀନ୍ ବିରୋଧରେ ଆକ୍ରମଣ କରିବା ନେଇ ଘୋଷଣା କରିଥିଲା। ବଲୁଚ ପ୍ରତିରୋଧ ଗୋଷ୍ଠୀ ନିକଟରେ ସିନ୍ଧି ବିଚ୍ଛିନ୍ନବାଦୀ ଗୋଷ୍ଠୀ ସହ ଯୁଦ୍ଧାଭ୍ୟାସ ଶେଷ କରିଛି। ବଲୁଚ ରାଜି ଅଜାଓଇ ସଙ୍ଗର ବା BRAS ଏକ ମିଳିତ ବିଜ୍ଞପ୍ତି ଜାରି କରିଥିଲା, ଯେଉଁଥିରେ ଏକ ନିର୍ଣ୍ଣାୟକ ଯୁଦ୍ଧ ରଣନୀତିର ଘୋଷଣା କରାଯାଇଥିଲା। BRAS ସହ ଆସିବା ଫଳରେ ପାକିସ୍ତାନରେ ଚୀନ୍ ଦ୍ବାରା ପରିଚାଳିତ ସିପିଇସି ପ୍ରୋଜେକ୍ଟ ପାଇଁ ବଡ଼ ବିପଦ ପାଲଟିଛି। BRASର ମିଳିତ ବୈଠକ ପରେ ଏକ ବୟାନ ଜାରି କରାଯାଇଥିଲା। ଯେଉଁଥିରେ ସଂଗଠନ-ବଲୁଚ ଲିବରେସନ୍ ଆର୍ମି, ବଲୁଚିସ୍ତାନ ଲିବରେସନ୍ ଫ୍ରଣ୍ଟ, ବଲୁଚ ରିପବ୍ଲିକାନ୍ ଗାର୍ଡସ୍ ଓ ସିନ୍ଧି ଲିବରେସନ୍‌ ଅର୍ଗାନାଇଜେସନ୍ ସିନ୍ଧୁ ଦେଶ ରିଭୋଲ୍ୟୁସନାରୀ ଆର୍ମୀର ଉଚ୍ଚସ୍ତରୀୟ ପ୍ରତିନିଧି ମଣ୍ଡଳୀ ଭାଗ ନେଇଥିଲେ। ଏହି ବୈଠକ‌ରେ ସହମତି ମିଳିଥିଲା ଯେ, BRAS ଖୁବ୍ ଶୀଘ୍ର ବଲୁଚ ରାଷ୍ଟ୍ରୀୟ ସେନାର ରୂପ ନେବ।

ଆମେରିକାରେ ପାକିସ୍ତାନୀ କୁଟନୀତିଜ୍ଞ ଅପମାନିତ: ଭିସା ଥାଇ ବି ମିଳିଲାନି ଏଣ୍ଟ୍ରି, ଏୟାରପୋର୍ଟରୁ ଫେରାଇଦେଲେ