ଖଲ୍ଲିକୋଟ ୨୨/୦୨/: ଖଲ୍ଲିକୋଟ ଏନଏସି ରେ ୭୭ ଲକ୍ଷ ଟଙ୍କା ବ୍ୟୟ ରେ ନିର୍ମିତ ୧୧ ଗୋଟି ମିଶନ ଶକ୍ତି ଗୃହ କାମରେ ଲାଗୁନି। ୩ ବର୍ଷ ତଳେ ନିର୍ମାଣ ହୋଇଥିବା ଏହି ମିଶନ ଶକ୍ତି ଗୃହ ଗୁଡିକ ଭୁତ କୋଠି ପାଲଟିଛି । ନିର୍ମାଣ ହେବା ଠାରୁ ହୋଇନି କାର୍ଯ୍ୟକ୍ଷମ । ବ୍ୟବହାର ନହେବା କାରଣରୁ ଲଟାବୁଦା ମାଡି ଜଙ୍ଗଲ ପାଲଟିଲାଣି ।
ମିଶନ ଶକ୍ତି ମହିଳାଙ୍କ ପାଇଁ ଖଲ୍ଲିକୋଟ ବିଜ୍ଞାପିତ ଅଂଚଳ ପରିଷଦର ୧୨ ଟି ଓାର୍ଡରୁ ୧୧ ଟି ଓାର୍ଡରେ ମିଶନ ଶକ୍ତି ଗୃହ ନିର୍ମାଣ ପାଇଁ ମୁକ୍ତା ଯୋଜନା ମାଧ୍ୟମରେ ଟଙ୍କା ବ୍ୟୟ ବରାଦ କରାଯାଇଥିଲା । ୧୦ ନମ୍ବର ୱାର୍ଡ ବାଲୁକେଶ୍ୱରପୁର ରେ କୌଣସି କାରଣ ରୁ ମିଶନ ଶକ୍ତି ଗୃହ ନିର୍ମାଣ ହୋଇପାରି ନଥିଲା।ତେବେ ୮ ଟି ଘର ସମ୍ପୂର୍ଣ୍ଣ ହୋଇଥିବା ବେଳେ ଆଉ ୩ଟି ଘର ଅସମ୍ପୂର୍ଣ୍ଣ ରହିଛି। ୨୦୨୨ ମସିହା ରେ ମୁକ୍ତା ଯୋଜନା ମାଧ୍ୟମରେ ୭୭ ଲକ୍ଷ ଟଙ୍କ ଖର୍ଚ୍ଚ କରି ଏହି ଗୃହ ଗୁଡିକ ନିର୍ମାଣ କରାଯାଇଥିଲେ ମଧ୍ୟ ୩ ବର୍ଷ ହେଲା ବ୍ୟବହାର ନହୋଇ ପଡି ରହିବା ବିରାଟ ପ୍ରଶ୍ନ ବାଚୀ ସୃଷ୍ଟି କରିଛି । ତେବେ ଖଲ୍ଲିକୋଟ ବିଜ୍ଞାପିତ ଅଂଚଳ ପରିଷଦର କନିଷ୍ଠ ଯନ୍ତ୍ରୀ ହିନସି ହାଁସଦା କହିଛନ୍ତି ଘର କାମ ସରିଲା ପରେ ଆମେ ସିଡିପିଓ ଙ୍କୁ ଚାବି ହସ୍ତାନ୍ତର କରିଛୁ । ଏହା କହିଁକି ବ୍ୟବହାର ଯୋଗ୍ୟ ହେଇ ପାରୁନି ଆମେ ଜାଣିନୁ ।
ତେବେ ଲକ୍ଷ ଲକ୍ଷ ଟଙ୍କା ବ୍ୟୟ ରେ ନିର୍ମିତ ଏହି ମିଶନ ଶକ୍ତି ଗୃହ ଯଦି ବ୍ୟବହାର ନହୁଏ ତାହାଲେ ଏହା ଧିରେ ଧିରେ ନଷ୍ଟ ହୋଇଯିବ । ତେଣୁ ଏହାକୁ ଶିଘ୍ର ମିଶନ ଶକ୍ତି ମହିଳା ଙ୍କୁ ଚାବି ହସ୍ତାନ୍ତର କରି କର୍ଯ୍ୟକ୍ଷମ କରିବାକୁ କଂଗ୍ରେସ ନେତା ମେଘନାଦ ଦଳେଇ, ସୂଚନା ଅଧିକାର କର୍ମୀ ରାଜୀଵ ଖାଡ଼ଙ୍ଗା, ଆଇନଜୀବି ଅରୁଣ କୁମାର ସିଂ ପ୍ରମୁଖ ଦାବୀ କରିଛନ୍ତି।
