ନୂଆଦିଲ୍ଲୀ,୨୨/୨ : ତମନ୍ନା ଭାଟିଆଙ୍କ ଲାଗି ୨୦୨୪ବହୁତ ଶାନଦାର ଥିଲା । ଏବେ ସେ ପୁଣି ଥରେ ବଡ଼ ପର୍ଦାରେ ଧମାଲ ମଚାଇବା ଲାଗି ପ୍ରସ୍ତୁତ ଜାରି ରଖିଛନ୍ତି । ତାଙ୍କ ଆଗାମୀ ବଡ଼ ଫିଲ୍ମ ‘ଓଡେଲା ୨’ ଖୁବଶୀଘ୍ର ରିଲିଜ ହେବାକୁ ଯାଉଛି । ଏହି ଫିଲ୍ମକୁ ନେଇ ଫ୍ୟାନ୍ସଙ୍କ ମଧ୍ୟରେ ଜବରଦସ୍ତ ଉତ୍ସାହ ଦେଖାଦେଇଛି । ଯେବେଠାରୁ ତମନ୍ନା ଏହି ପ୍ରୋଜେକ୍ଟର ଘୋଷଣା କରିଛନ୍ତି ସେବେଠାରୁ ପ୍ରଶଂସକ ଏହାର ଅପେକ୍ଷା କରିଥିଲେ ।
କିଛି ସମୟ ପୂର୍ବରୁ ସେ ଫିଲ୍ମର ପୋଷ୍ଟର ରିଲିଜ କରିଥିଲେ । ଯେଉଁଥିରେ ତାଙ୍କର ନାଗା ସାଧୁ ଲୁକ୍ ଦେଖିବାକୁ ମିଳିଥିଲା । ଏହାସହ ସେ ଏହା ବି କହିଥିଲେ କି ଫିଲ୍ମର ଟିଜର ୨୨ଫେବୃଆରୀରେ ମହାକୁମ୍ଭ ମେଳାରେ ଲଞ୍ଚ୍ କରାଯିବ । ଆଜି ତମନ୍ନା ଏହି କଥାର ପ୍ରତିଶ୍ରୁତି ପୂରଣ କରି ମହାକୁମ୍ଭ ମେଳାରେ ‘ଓଡେଲା ୨’ର ଭବ୍ୟ ଟିଜର ରିଲିଜ କରିଥିଲେ ।
ଫିଲ୍ମର ଟିଜର ବହୁତ ଆକର୍ଷକ ଲାଗୁଛି । ତମନ୍ନାଙ୍କ ଲୁକ୍ ଏବଂ ତାଙ୍କର ଭୂମିକା ବହୁ ନୂଆ ଏବଂ ଦମଦାର୍ ଲାଗୁଛି । ଏହି ଥ୍ରୀଲର ଫିଲ୍ମ ଦର୍ଶକଙ୍କୁ ଏକ ରୋମାଞ୍ଚକ ଅନୁଭୂତି ଦେବ । ଯେଉଁଥିରେ ଭଲ ଏବଂ ଖରାପ ମଧ୍ୟରେ ଏକ ସଂଘର୍ଷ ଦେଖାଯାଇଛି ।
ଫିଲ୍ମରେ ତମନ୍ନା ଭଲର ପ୍ରତୀକ ଭାବେ ନଜର ଆସିବେ ଏବଂ ତାଙ୍କର ଏହି ଦମଦାର ଅବତାର ଦେଖିବା ଲାଗି ଫ୍ୟାନ୍ସ ବହୁ ଉତ୍ସୁକତା ଅଛନ୍ତି । ‘ଓଡେଲା ୨’ର ନିର୍ଦେଶନା ଅଶୋକ ତେଜା କରିଛନ୍ତି ଏବଂ ଏହାକୁ ସମ୍ପତ ନନ୍ଦୀ ଟିମ୍ ଓ୍ବାର୍କ୍ସ ପ୍ରଡ୍ୟୁସ କରିଛନ୍ତି । ‘ଓଡେଲା ୨’ ସହ ତମନ୍ନା ଆହୁରି ଏକ ଦମଦାର ଭୂମିକାରେ ନଜର ଆସିବାକୁ ଅଛନ୍ତି ଏବଂ ଫ୍ୟାନ୍ସ ଏହି ଫିଲ୍ମ ରିଲିଜ ହେବାକୁ ବହୁ ଉତ୍ସୁକତା ସହ ଅପେକ୍ଷା କରିଛନ୍ତି ।
